«تراکتور» کلوبونون صاحبی محمدرضا زنوزی چوخ ادعالی‌دیر. او، خاریجی والیوتانین بوگونکو دورومونا باخمایاراق، تبریزه بیر چوخ کیچیک و بؤیوک اولدوزلار گتیریب.

آخار. آذ خبر وئریر کی، بو سؤزلری «ایران ورزیشی» قزئتینده یاییملانان یازیسیندا ژورنالیست سید آغایی دئییب.

«زنوزی بو اویونا دلیجه‌سینه داوام ائدیر و چئمپیونلوق سئوداسینا دوشوب. او، مولتی میلیاردر کیمی شان-شؤهرت حریصی‌دیر. توتدوغو یولون سونو بدناملیق و اعتیمادسیزلیقدان باشقا هئچ نه گتیرمه‌یه‌جک. بو آدام فوتبولدان اوزاق‌دیر، اونون الیفباسینی بئله بیلمیر. بو ایداره‌چی‌لیکله اونون بوگونکو گولوشلری، قیسا زامان‌دا گؤز یاشلاری ایله اوزلنه‌جک. بو گؤز یاشلاری سونرالار حسین هیدایتی کیمی دمیر بارماقلیقلار آرخاسینا دوشمکله ده نتیجه‌لنه بیلر».