اویفا میللتلر لیگاسی تورنیری چرچیوه‌سین‌ده اوکتیابرین ۱۴-ده، ساعت ۲۰:۰۰-دا، باکی اولیمپییا ایستادیونوندا کئچیریلجک آذربایجان - مالتا اویونو عرفه‌سین‌ده میللیمیزین باش مشق‌چیسی قوربان قوربانووون ایشتیراکی ایله مطبوعات کنفرانسی تشکیل اولونوب.

ترند-این معلوماتینا گؤره، باش مشق‌چی هر بیر اویونون واجیب اولدوغونو دئییب:

«چتین سفردن سونرا بو دفعه دوغما میدان‌دا فرق‌لی اویون اوسلوبونا مالیک کوماندایا قارشی چیخیش ائدجییک. قارشیلاشمانین اهمیتینی درک ائدیریک و بوتون فیکریمیزی بو ماتچا یؤنلتمیشیک. اینانیرام کی، فوتبولچولاریمیز یئنه ان یاخشی اویونلارین‌دان بیرینی نوماییش ائتدیرمه‌یه چالیشاجاقلار».

«هئیت‌ده دییشیکلیک ائتمیی دوشونموروک. آنجاق اساس مشقیمیز صاباح سحر ساعتلاریندا اولاجاق و هئیتی کونکرت اولاراق همین حاضرلیق‌دان سونرا مویینلشدیرجییک.

ایستر رقیبه قول وورماق، ایسترسه ده قاپیمیزدان توپ بوراخماماق اوچون دقتلی اولمالیییق. مالتا کئچیردیی هر اوچ اویون‌دا قول وورماغی باجاریب. سرعتلی عکس-هوجوملار قورورلار. اونلارین کوسووو ایله کئچیردیکلری اویونو ایزلمیشیک. کاپیتانلاری میفسود اوینامایاجاق. بونا گؤره سئوینمیرم. عکسینه، بو جور فوتبولچولارین هر زامان کوماندالارینا کؤمک ائتمه‌لرینین طرفدارییام. میفسود مالتا میللی‌سی اوچون واجیب فوتبولچو اولسا دا، اونون یوخلوغونون کومانداسینین اویونونا جدی شکیلده تأثیر ائدجیینه اینانمیرام»، - قوربانوو بیلدیریب.