«تراکتور» بؤیوک و چوخ طرفدارا مالیک اولان بیر کوماندادیر. تبریزده هر یئرده «تراکتور»دان دانیشیرلار. یاشلیلار، گنجلر – هر کس بو کوماندادان بحث ائدیر. بو منیم اوچون ده اؤنملی مسئله‌دیر.

آخار. آذ خبر وئریر کی، بو سؤزلری تبریزین «تراکتور» فوتبول کومانداسینین ایرلاندییالی هوجومچوسو آنتونی ایستوکس دئییب. او، اولدوغو کوماندانین آذربایجان‌لیلار طرفین‌دن چوخ سئویلدیینی دئییب:

«دوشونورم کی، بو کوماندادا اوغور قازانا بیلره‌م. بو مؤوسومده «تراکتور»او سئچدییمدن خوشحالام، بو، منیم اوچون چوخ یاخشیدیر. اونا گؤره کی، اوینادیغین کوماندانین چوخ طرفداری وار و بؤیوک بیر کلوبدور. تکجه، منیم اوغور قازانماغیم اؤنملی دئییل. شوبهه‌سیز کی، ایسترم بو مؤوسومده ۲۵-دن چوخ قول ووروم و قول وورماق اوزره بیرینجی اولوم. لاکین ان اؤنملی مسئله اودور کی، کلوب چمپیون اولسون و قارشی‌سینا قویدوغو هدفلره چاتسین. بیزیم مؤوسومون اولینده بختیمیز گتیرمه‌دی و معین خاللار ایتیردیک. لاکین وضعیتیمیز آرتیق دییشیب و گئتدییمیز یولدا اوغور قازانماق ، حتی چئمپیون اولماق ایمکانی وار. امینم کی، گله‌جک هفته‌لرده داها سرعتله هدفه دوغرو حرکت ائدجییک».

قید ائدک کی، آنتونی ایستوکس ایرلاندییا میللی کومان‌داسینین کئچمیش اویون‌چوسودور. او، حاضردا «سوپر لیقا» یاریشلارین‌دا ایران اوزره ان چوخ قول ووران اویون‌چودور.