کورد کؤکن‌لی والی محمد مهدی شهریاری و غربی آذربایجان گنجلر و ایدمان ایداره‌سینین ری‌سی عبدالله چمنگولونون تضییقی ایله اورمییه‌نین «اورمییه ۹۰» فوتبول کومان‌داسی بوکان شهرینه بوراخیلیب.

Axar.az-این معلوماتینا گؤره بو باره‌ده مایین ۱۶-دا «اورمییه ۹۰» کلوبونون ایجراچی دیرکتورو یحیی باهادوری «ایرنا» خبر آگئنتلیینه دانیشیب.

««اورمییه ۹۰» کلوبونون بوکان شهرینه اؤتورولمه‌سی ایله باغلی کلوبلا بو شهرین فوتبول هئیتی آراسین‌دا موقاویله ایمضالانیب. آرتیق بو ایل غربی آذربایجانی بیرینجی دسته اویونلارین‌دا «سردار بوکان» کومانداسی تمثیل ائد‌جک.»- دئیه او بیلدیریب.

بو باره‌ده قرار آچیقلاندیغی آندان اونا قارشی اعتراضلار باشلاییب.

یحیی بهادوری یئرلی سایتلاردان بیرینه وئردیی آچیقلامادا بیلدیریب کی، «اورمییه ۹۰» کلوبو مشهور ایش آدامی جناب زنوزی طرفین‌دن هدییه اولونونموشدور. بو کومان‌دا ۴ ایل زحمت‌دن سونرا بیرینجی دسته یاریشلارینا یول تاپیب.

او اورمییه اهالی‌سینین وئردیی دستک نتیجه‌سینده بیرینجی دسته یاریشلارینا سئچیله‌ن کلوبون هانسی سبب‌دن کوردلره عایید اولان بیر کلوبا اؤتورولدویو باره‌ده هئچ بیر آچیقلاما وئرمه‌ییب.

غربی آذربایجان والیسی اؤتن ایل «سردار بوکان» کلوبونا ۵۰ میلیون تومن هدییه ائتمیشدیر. لاکین او غربی آذربایجانین مرکزی شهرینین «اورمییه ۹۰» کلوبونا هئچ بیر شکیلده دستک وئرمه‌ییب.