ایران‌دا سون گونلر مجبوری حجاب قایدالارینا قارشی ناراضی‌لیقلارین و گیزلی آکسیالارا چاغیریشلارین یئنی‌دن جانلانماسی مشاهده اولونور.

Axar.az خبر وئریر کی، بو حاق‌دا یئرلی فعاللار و سوسیال مئدیا پلاتفورمالارین‌دا معلوماتلار و ویدئولار یاییلیب.

بیلدیریلیر کی، اؤلکه‌ده رژیم داخلی گرگین‌لیکلر و اقتصادی بحران درینلشدیکجه، قادینلار و مخالف گروپلار بیر سیرا پلاتفورمالار واسطه‌سیله یئنی اعتراض دالغاسینا حاضرلاشیرلار.

مئدیا فعاللاری و انسان حاقلاری مدافعه‌چیلرینین سؤزلرینه گؤره، سون آیلار «اخلاق پلیسی»نین کوچه‌لرده‌کی بیرباشا رئیدلری قیسماً آزال‌سا دا، رژیم قادینلارا قارشی ایش یئرلری، خدمت سکتورلاری و کافه‌لر واسطه‌سیله «سوسیال و اقتصادی» تضییقلری آرتیریب. حجاب قایدالارینا عمل اولونمایان بیر چوخ کافه و تیجارت اوبیکتلری موهورلنیر. بونا جواب اولاراق قادینلار کوتلوی شکیل‌ده باش اؤرتویوندن امتنا ائد‌رک پاسسیو مقاومتی داوام ائتدیریرلر.

سوسیال شبکه‌لرده فعاللاشان چاغیریشلارلا یاناشی، اؤلکه داخلین‌ده فعالیت گؤسترن گیزلی مقاومت گروپلاری رپرسیا رمزلرینه، حکومت بینالارینا و تبلیغات باننئرلرینه قارشی یؤنلمیش آکسیالار تشکیل ائدیرلر.

قید اولونور کی، سون آیلاردا باش وئره‌ن کوتلوی اعدام دالغاسی (خصوصیله اوولکی آکسیالاردا حبس اولونانلارین اعدام ائدیلمه‌سی) جمعیت‌ده قورخو یاراتماق مقصدی گودسه ده، عکس-افکت وئره‌رک داخلی غضبی داها دا آلوولاندیریب. قادین حاقلاری و اعدام علیه‌ینه چاغیریشلار واحد اعتراض خطین‌ده بیرلشیب.

بونا نمونه کیمی سنتیابرین سون گونلرین‌ده تهرانین اوین حبسخاناسین‌دا ساخلانیلان ۲۳ سیاسی قادین محبوسون قادین و قیزلارین حقوقلاری ایله باغلی چاغیریشلاری و عینی اوزون مدتدیر اؤلکه حبسخانالارین‌دا محبوسلارین هر هفته‌نین ایکینجی گونوندن باشلایان ۲۴ ساعت مدتینه باشلایان آجلیق آکسیالاری گؤستریلیر.