۲۹ اؤلکه‌نین خارجی ایشلر ناظیرلری ایرانا قارشی بیرگه بیانات قبول ائدیب.

Axar.az خبر وئریر کی، بو باره‌ده بؤیوک بریتانیا حکومتی معلومات یاییب.

ناظیرلر ایرانین سنتیابرین ۲۷-ده بؤیوک بریتانیا کرال حربی هوا قوه‌لرینین فیرفورد آویابازاسیندا باش وئرمیش حادثه‌یه عایدیتی ایله باغلی بؤیوک بریتانیانین گلدیی نتیجه‌لری قبول ائتدیکلرینی بیان ائدیبلر.

"ایرانین و یا هر هانسی دیگر دولتین ماراقلاری نامینه دشمنچی‌لیک فعالیتی حیاتا کئچیرن شخصلر معین ائدیله‌جک و مسئولیته جلب اولوناجاق. ایران بیزیم سووئرئنلییمیزی قوروماق، بین‌الخالق کوردیناسییانی و ملی دایانیقلیغی گوجله‌ندیرمک، وطنداشلاریمیزین تهلوکه‌سیزلیینی تامین ائتمک و تقصیرکارلاری مسئولیته جلب ائتمک باخیمیندان بیرلییمیزه و قطعیتیمیزه شبهه ائتمه‌مه‌لیدیر"، - بیاناتدا قید اولونوب.

بیاناتی آمریکا، آوسترالیا، آوستریا، بؤیوک بریتانیا، بلچیکا، بلغاریستان، کانادا، خورواتیا، چخیا، دانیمارکا، استونیا، فینلاندیا، فرانسا، آلمانیا، یونانیستان، ماجاریستان، ایرلاندیا، لاتویا، لیتوا، لوکسمبورگ، نیدرلاند، یئنی زلاندیا، نوروئچ، پورتوقالیا، رومینیا، اسلوواکیا، اسلوونیا، اسپانیا، ایسوئچ امضالاییب.