بو گون سحر ساعت ۶ راده‌لرین‌دن اعتباراً سیستان و بلوچستان ایالتینین تفتان شهراطرافی اراضی‌سین‌ده سپاه قوه‌لری ایله سلاحلی شخصلر آراسیندا قارشی‌دورما باشلاییب.

Axar.az خبر وئریر کی، بو حاق‌دا یئرلی منبع‌لر معلومات یاییب.

معلوماتا گؤره، آغیر توققوشما چاه احمد و آرزانتاک اراضیلرین‌ده‌کی «دؤنگه» داغینین یوکسک‌لیکلرینده باش وئریب.

توققوشمالارین هله ده داوام ائتدیی بیلدیریلیر.

یاییلان گؤرونتولرده چوخ سایدا زرهلی تکنیکا و حربی قوه‌لرین حادثه یئرینه گئتدیی مشاهده اولونور.

بونونلا یاناشی ایالت مرکزی زاهدان شهرینه یاخین اراضیلرده حکومت قوه‌لری ماگیسترال یولون اطرافین‌دا استحکاملار قوروب.

یئرلی منبع‌لر قارشی‌دورما یئرینه چوخ سایدا آمبولانسلارین گئتدیینه گؤره اؤلو و یارالی سایینین چوخ اولدوغو باره‌ده احتیماللار سسلندیرسه‌لر ده، سپاه ۳ سلاحلی شخصین اؤلدورولدویونو بیلدیریب.