اؤلکه اوزره ان بؤیوک و معاصر شاه‌مات کومپلئک‌سی محض ماراغا شهرین‌ده تیکیلیب و «حکومت هفته‌سی»نده ایستیفاده‌یه وئریلمه‌سی گؤزلنیلیر.

آزنیوز. تی وی خبر وئریر کی، بو سؤزلری ماراغا شهری‌نین ایجرا حاکمیتی باشچیسینین موعا‌وینی موسی شفی ایرنا خبر آگئنتلیینه موصاحیبه‌سی زامانی دئییب.

«کومپلئک‌سه شاه‌مات کلوبو، اویونلار مرکزی و کیتاب کافهسی داخیل‌دیر. عمومی‌لیک‌ده، ۹۰۰ کو.م ساحه‌ده تیکیلیب. کومپلئکس‌ده سون تعمیر تیکینتی ایشلری داوام ائدیر. لاییحه‌نین تعمیری و آوادان‌لیقلارین تامینی اوچون اؤزل سئکتور ۱ میلیارد تومنه یاخین وسایت قویوب. صرف اولونان بودجه، ساده‌جه، تعمیر تیکینتی ایشلری اوچون اولوب و تورپاق ساحه‌سی اؤزل سئکتورو طرفین‌دن تعمین اولونوب. کومپلئکس ایستیفاده‌یه وئریله‌ن‌دن سونرا اؤلکه اوزره شاه‌مات موسابیقه‌لری همین کومپلئکس‌ده کئچیریله بیلر. ۲۲۰ شاه‌مات اویون‌چوسونون ایشتیراکی اوچون لازیم اولان بوتون شرایط وار. بو، اؤلکه‌ده بیرینجی عقل‌لی صینیف حساب ائدیلیر. اؤلکه اوزره ان بیرینجی یئرلری توتان مشق‌چیلر پسیخولوقلارین ایشتیراکی ایله مرکزده اونلاین تعلیم و موعالیجه کورسلاری کئچه‌جک. بورادا آنالار و اوشاقلارین ایشتیراکی ایله اوشاغین ایجتیمایته آداپتاسییاسی، ائلهجه ده اینتئقراسییاسی اوچون کورسلار و مشقلر تشکیل ائدیله‌جک»، – دئیه، موعاوین بیلدیریب.

قئید ائدک کی، ماراغا شهری‌نین ۲۶۸ مین اهالی‌سی وار و شرقی آذربایجان ویلایتی‌نین مرکزی تبریزدن ۱۲۷ کم اوزاق‌لیق‌دا یئرلشیر. ماراغا آذربایجانین ان قدیم شهرلرین‌دن بیری‌دیر. بو شهر معین دؤورده بؤیوک ایمپرییالارین پایتاختی، همچینین، شرق‌ده قورولان بیرینجی رسدخانانین مرکزی اولوب. همین رصدخانادا خاجه نصرالدین طوسی کیمی عالیملرین سعی سایه‌سین‌ده جلالی تقویمی ترتیب ائدیلیب. جلالی تقویمی طبیعتین اساسین‌دا قورولان ان دقیق تقویم‌دیر و همین تقویمه اساساً، ایلین ایلک گونو محض آذربایجان‌دا ان قدیم و مقدس ساییلان نووروز بایرامینا تصادف ائدیر. بو تقویمین آیلاری دقیق حسابلا حسابلانیب. بئله کی، ایلین باشلانغیجین‌دا گئجه ایله گوندوز برابردیر، بیرینجی روبون سونون‌دا ان اوزون گون و ان قیسا گئجه، ایکینجی روبون سونونجو گونو گئجه ایله گونو بیر داها برابر اولور. اوچونجو روبون سونو، دؤردونجو روبون اولینه تصادف ائد‌ن گئجه (چیلله گئجه‌سی) ان اوزون گئجه، همین گونون صاباحی گونو قیشین اولی‌دیر و ان قیسا گون‌دور. دونیادا مشهور اولان بورجلار اوزره تالئلرین معین ائدیلمه‌سی (هوروسکوپیک) محض همین تقویمین آیلاری اساسین‌دا قورولوب.