یوخاری

اردوغانی گؤرمک اوچون آذربایجان‌دان چرخله یولا دوشدو

آنا صحیفه ایدمان
12 Punto 14 Punto 16 Punto 18 Punto

عزت الدین آبدوللایئو آدلی آذربایجان‌لی گنج تورکییه پرزیدنتی رجب طییب اردوغانلا گؤروشمک اوچون یاشادیغی آذربایجانین زاقاتالا رایونونون یولایریج کندین‌دن آنکارایا چرخله سفره گئدیب.

آخار. آذ خبر وئریر کی، آبدوللایئو ۱۶۰۰ کیلومترلیک مسافه‌نی ۱۶-۱۷ گونه باشا وورماغی پلانلاشدیریر. اونون سؤزلرینه گؤره، تورکییه پرزیدنتی رجب طییب اردوغانلا گؤروشمک ان بؤیوک آرزوسودور:

«یولوم اوزون‌دور. اما بو منی نیتیم‌دن اوزاقلاشدیرمیر. بئله بیر سفره چیخماغی اوزون ایللردیر کی، آرزو ائدیرم. ۱۶۰۰ کیلومتر یولو ۱۶-۱۷ گونه گئتمه یی پلانلاشدیریرام. اللهین کؤمکلیگی ایله اردوغانلا گؤروشه بیله جه ییمه اومید ائدیرم. منیم کیمی اردوغانی سئون و اونونلا تانیش اولماق ایسته‌ین یوزمینلرله آذربایجان‌لی گنج وار. بوتون بو گنجلرین آدیندان اورا گئدیرم».

İ. آبدوللایئو آرزوسونون آرخاسینجا گئتدیینه گؤره سئوینج‌لی اولدوغونو سؤیله‌ییب:

«چوخ سئوینجلی یم. ۱۶۰۰ کیلومتر یولو تورکلری، تورکییه‌نی، تورکییه پرزیدنتینی سئومسه ایدیم، گئده بیلمرم. بو سئوگی بئله اوزون یولو منیم اوچون قیسال‌دیر. بو اوزونلوق‌دا یولو چرخله گئتمه یی هدفلمیشه‌مسه، دئمه‌لی، اردوغانی حقیقتن چوخ ایستییرم. اینشاللاه، اونون الینی سیخماق، گؤرمک، قوجاقلاماق منه نصیب اولار».

İ. آبدوللایئوین آناسی هومای آبدوللایئوا اوغلونون اوندان ایجازه آلاراق گئتدیینی بیلدیریب:

«مندن سفره چیخماق اوچون خییر-دعا ایسته‌دی. الله‌دان اوغلومون ساغ-سالامات گئدیب-قاییتماسینی ایستییرم. بوندان باشقا آرزوم یوخ‌دور. اینشاللاه، اردوغانلا گؤروشوب، آرزوسونا چاتار".

تاریخ
2019.09.05 / 16:18
مولف
Axar.az
دیگر خبرلر

تهران‌دا تحقیر اولونان تورکییه‌لی باش مشقچی استعفا وئردی

مسی "الحلال"آ کئچه بیلر

ایرانلی ایدمانچیلارین جنوبی کره‌ده جنایتی تصدیق ائدیلدی

"هال سیتی"نین یئنی باش مشقچی‌سی بللی اولدو

دنیانین ان گوجلو فوتبول لیگالاری بللی اولدو

"چئلسی" فرانسالی مدافعه‌چی ایله هیئتینی گوجلندیردی

رونالدو بو کلوبون تکلیفیندن امتنا ائتدی

چوگان اوزره آذربایجان ملیسی ایلک دفعه آوروپا چمپیونو اولدو

ایرانلی آتلئت جنوبی کره‌ده جریمه اولوندو

ایرانین ایدمان ناظری پارلامئنته چاغیریلدی

خبر خطّی
Axar.az'da reklam Bağla
Reklam
Bize yazin Bağla