بازار گونو باش توتان «تراکتور» – «پئرسپولیس» اویونونون حاکمین‌دن شیکایت اولونوب.

بو باره‌ده «تراکتور» کلوبو معلومات وئریب.

معلوماتا گؤره، کلوبون رهبری مثلاًی بیلمک اوچون فوتبال فئدئراسییاسینا گئدیب.

گؤرش‌ده حاکمین دفعه‌لرجه اویونو دایان‌دیرماسی، چوخ‌لو کارت وئرمه‌سی «تراکتور»اون اویونونا منفی تأثیر ائدیب. عینی زامان‌دا حاکم مینلرله «پئرسپولیس» ترفدارینین آرام‌سیز ایرق‌چی داورانیشلارینا گؤره فیفا قانونلارینی نظرده توتاراق اویونو دایاندیرمالیی‌دی.

خاتیرلاداق کی، اویون‌دا دقیقه‌لرجه تورکلره قارشی ایرق‌چی شوعارلار سسلندیریلیب و ایرانین دؤولت تئلئویزییاسین‌دان جان‌لی یاییملانیب. بو کیمی اولایلار داها اؤنجه ده ایران ایستادیونلارین‌دا قئیری-فارسلارا قارشی باش وئریب.