دونن ایرواندا کئچیریلن تورکییه-ارمنیستان میللی کوماندالارینین ماتچی باشلایارکن تورکییه هیمنینی ارمنی آزارکئشلرین فیته باسماسی جدی اعتراضلارا سبب اولوب.

Axar.az خبر وئریر کی، تورکییه‌نین مشهور فوتبول یازاری عبدالکریم دورماز بیاز تی وی-ده یاییم‌لانان "درین فوتبول" پروگرامین‌دا ارمنی آزارکشلرین تورکییه هیمنینی تحقیر ائتمه‌سینی سرت شکیل‌ده تنقید ائد‌رک، بونون جواب‌سیز قالمایاجاغینی وورغولاییب.

«او ارمنیستان هیمنینین تک نوتو بئله ائشیدیلمه‌یه‌جک. من او ماتچدا بئله بیر آزارکش ایستییرم. ارمنیستان‌دا بایراغیمیزا، هیمنیمیزه قارشی ائدیلن تربییه‌سیزلییه بورادا آرتیقلاماسی ایله جواب وئریلمه‌لیدیر"، - یازار بیلدیریب.