یوفا چمپیونلار لیگاسینین ۳-جو تصنیفات مرحله‌سینین جواب اویونون‌دا «قاراباغ»آ ۲:۷ حسابی ایله مغلوب اولان بولقاریستانین «لودوگورتس» کلوبو آنتی‌رکوردا امضا آتیب.

Axar.az خبر وئریر کی، ایندیه‌دک آوروکوبوکلاردا بولقاریستانی تمثیل ائد‌ن هئچ بیر کولکتیو آوروکوبوکلاردا دوغما میداندا قاپیسیندان ۷ توپ بوراخماییب.

بونا قدر ان ضعیف گؤستریجی ۱۹۷۷-جی ایلده کوبوکلار کوبوکوندا "آندرلکست"ا (بلچیکا) ۱:۶ حسابی ایله اودوزان "لوکوموتیو"ا (سوفییا) مخصوص اولوب.

بوندان باشقا، سوفییا «اسلاوییا»سی ۱۹۸۸-جی ایلده سربییا «پارتیزان»اینا، "لیتکس" ایسه ۱۹۹۸-جی ایلده روسیانین "اسپارتاک" (مسکوا) کلوبونا ۰:۵ حسابی ایله یئنی‌لیب. هر ایکی گؤروش یوفا کوبوکونا تصادف ائدیب.

«لودوگورتس»این آوروکوبوکلارداکی ان بؤیوک حسابلی مغلوبیتی ایسه اؤتن موسوم کنفرانس لیقاسینین گروپ مرحله‌سینده قیده آلینیب. رازگراد تمثیلچی‌سی دانیمارکادا «نورشللان»آ ۱:۷ حسابی ایله اودوزوب. کلوب، همچنین ۲۰۱۶-جی ایلده چمپیونلار لیگاسیندا، ۲۰۱۹-جو ایلده ایسه آوروپا لیگاسیندا، موافق اولاراق، "آرسنال" (اینگیلتره) و "اسپانیول"لا (اسپانیا) ماتچلاردا ۶ جوابسیز توپ بوراخیب.

قید ائدک کی، «قاراباغ» ۳-جو تصنیفات مرحله‌سینده «لودوگورتس» کلوبونو ایکی اویونون نتیجه‌سینه اساساً ۸:۴ حسابی ایله مغلوب ائد‌رک پلی-آفا وثیقه قازانیب. «کؤهله‌ن آتلار» بو راونندا خورواتیانین "دینامو" (زاگرب) کلوبو ایله قارشیلاشاجاق.