۲،۵ میلیوندان چوخ انسان آرگنتینا ییغما کومانداسینین ۲۰۲۶-جی ایل دنیا کوبوکوندان کنارلاشدیریلماسینی طلب ائد‌ن پتیسیا امضالاییب.

Axar.az خبر وئریر کی، پتیسیا جنوبی آمریکالیلارین مصر ییغماسینی ۳-۲ حسابی ایله مغلوب ائتدیی ۱/۸ فینال ماتچیندان سونرا باشلاییب. قید ائدک کی، همین اویوندا آرگنتینا اساس اویونون بیتمه‌سینه ۱۱ دقیقه قالمیش ۲-۰ حسابی ایله گئریده اولسا دا، سوندا غلبه قازانیب.

ماتچدان سونرا "فرعونلار" اؤلکه‌سی فرانسیز حاکم فرانسوا لتکسینی عدالتسیز حاکملیکده، بین‌الخالق فوتبول آسوسیاسییاسی فدراسییاسینی (فیفا) ایسه حاضیرکی دنیا چمپیونلارینا، خصوصاً ده آرگنتینا کاپیتانی لیونل مسییه اوستونلوک وئرمکده گناهلاندیریبلار.

پتیسیا مؤلفلرینین بیلدیریر کی، فیفا و حاکملر لیونل مسی و اونون کمانداسینا اوستونلوک وئریر:

«غالبی آرتیق معلومدورسا، دنیانین قالان حصه‌سینین کوبوک اوغروندا یاریشماسینین معناسی ندیر؟ گلین آرگنتینانی دنیا کوبوکوندان کنارلاشدیراق کی، دیگر کومان‌دالارین دا شانسی اولسون".

پتیسیا مؤلفلری آرگومنت اولاراق، آرگنتینالیلارین مصره قارشی اویونو، یاریمفینالا گئدن یولدا "آلبیسلسته"نین فیفا ریتینگینین ایلک ۱۰ کومانداسیندان هئچ بیری ایله اویناماماسی و سون اوچ دنیا کوبوکوندا آرگنتینانین خییرینه دوققوز پنالتی تعیین ائدیلمه‌سینی قید ائدیبلر.