آذربایجانین مرند شهریندن اولان ان گنج پارالیمپییا ایدمانچی‌سی زهرا رحیمی، تاریخی اوغور قازاناراق پارا-تکواندو ساحه‌سینده ایران جغرافیاسی اوچون ایلک گوموش مدالی الده ائدیب.

Axar.az خبر وئریر کی، او، بو ناعلیتینی(اوغورو- موفقیتی) قید ائد‌ه‌رک تانینمیش تورک رپرچی‌سی پیام تورکون "منم تورک" ماهنی‌سیندان بیر پارچا ایله یاریش گؤرونتولرینی سوسیال شبکه‌لرده پایلاشیب.

لاکین بو پایلاشیم درحال تورک دوشمنی اولان بیر نئچه عیرق‌چی گروپلارین تضییقی ایله قارشیلاشیب.

بو گروپلار زهرا رحیمینی آغیر تحقیر و هجوملارلا هدف آلیبلار.
ایران حکومتینین بو عیرق‌چی گروپلاری دستکله‌مه‌سی و اونلارین تضییقلرینه گؤز یومماسی نتیجه‌سینده زهرا رحیمی پایلاشیمینی سیلمک مجبوریتینده قالیب.

قید ائدک کی، بو حادثه، ایران جغرافیاسیندا غیری-فارس کیملیکلرین، خصوصاً ده تورک کیملیی‌نین آزاد افاده‌سینه قارشی اولان مدنی باسقینین و آیری-سئچکیلیین بارز نمونه‌سی‌دیر.