بیر نئچه گون اول ترکیه کومانداسی ترکیبین‌ده پاریس ۲۰۲۴ پاراولیپییاداسیندا چیخیش ائد‌رک قیزیل مئدال آلان تبریزلی آتلت سجاد هاشمی‌نین (سرکان ییلدیریم) قیزیل مدالی گئری آلینیب و غلبه‌سی لغو ائدیلیب.

Axar.az خبر وئریر کی، بو ایران طرفینین تبریزلی ایدمانچی باره‌سینده شکایتلریندن سونرا باش وئریب.

ترکیه پارالیمپییا کمیته‌سی حادثه‌نی تصدیقله‌ییب و بو قرارا اعتراض اولاراق سجاد هاشی‌مینین یانیندا اولدوقلارینی بیلدیریب.

"میدان‌دا قازانیلان مدالین محکمه‌ده گری آلینماسینا امکان وئرمه‌مه‌یه چالیشاجاییق"،- ترکییه پارالیمپییا کمیته‌سینین بیاناتیندا بیلدیریلیب.

قید ائدک کی، سارکان ییلدیریم (سجاد هاشمی) ۱۰۰ متر مسافه‌یه قاچیش اوزره بیرینجی یئری توتوب.

۲۰۲۲-جی ایله کیمی ایران‌دا یاشایان یونگول آتلت، اؤلکه‌ده ایدمانچیلارا دیر وئریلمدیینی دئییب، ترکیه‌یه سیغینیب و بو اؤلکه وطنداشلیغینی قبول ائد‌رک آد و سویادینی دا دییشیب.

تبریزلی آتلتین پارالیمپییادادا ترکیه جمهوریتی آدینا قیزیل مدال قازانماسی ایران مئدیاسیندا جدی مذاکیره‌لره سبب اولوب.

ایران مئدیاسی و ایدمان دایره‌لری تبریزلی ایدمانچینین غلبه‌سینی قیسقانج‌لیقلا قارشیلاییب، اونو "ساتقین‌لیق"دا گناهلاندیریبلار.