ایران نماینده‌سی پاشنیانا جنوبی قفقازدا شاهمات اویونونون قایدالارینی ایضاح ائدیب.

Axar.az خبر وئریر کی، بو سؤزلری روسیالی پولیتولوگ ایستانیسلاو تاراسوو ایران ملی تهلوکه‌سیزلیک شوراسینین کاتیبی علی اکبر احمدیانین ایروانا سفرینی شرح ائدرکه‌ن بیلدیریب.

او قید ائدیب کی، یاخین شرق‌ده‌کی بؤیوک بحرانین سونامی دالغالاری جنوبی قافقازا چاتیر:

«ایران ملی تهلوکه‌سیزلیک شوراسینین کاتیبی علی اکبر احمدیان باکی و ایروانا سفر ائدیب. او، آذربایجان و ارمنستانین عالی رهبرلییی ایله دانیشیقلار آپاریب. سفر یاخین شرقده و خصوصاً ده سوریادا باش وئرن «زوراکی حادثه‌لر»له بیرباشا باغلی اولوب».

ارمنی‌پرست پولیتولوگون فکرینجه، ایران ارمنستانین مهری بؤلگه‌سینین آذربایجان طرفیندن توتولا بیلجییندن شبهه‌لنیر.

تاراسوو سؤزلرینه گؤره، تهرانین باکی‌یا چکیندیریجی تأثیر گؤسترمک امکانلاری داها بؤیوکدور، یالنیز اونا گؤره کی، آذربایجان روسیا ایله بیرلیکده شمال-جنوب گلوبال گئواقتصادی لایحه‌سینین اشتراکچی‌سی‌دیر و قفقازدا گئوسییاسی ثابتلیکده ماراقلی‌دیر:

«بوندان باشقا، باکی رگیونال مسئله‌لرین رگیون دولتلری طرفیندن حلینین طرفداریدیر و مباحثه‌لی مسئله‌لرین حلی اوچون ۳+۳ فورماتینی (روسیا، ایران، تورکیه، آذربایجان، ارمنستان و گرجستان) دستکلییر. بورادا تهرانین ماراقلاری باکی اوست-اوسته دوشور.

ارمنستان ایسه باشقا مسئله‌دیر. «Caliber.az»این معلوماتینا گؤره، احمدیان ایروانا سفری زمانی ارمنستانا آوروپا بیرلییینین مشاهده میسییاسین‌دان ایمتینا ائتمیی تکلیف ائدیب. بونون قارشیلیغیندا ایسه ایروانا ایران قوشونلارینین ارمنستان اراضی‌سینه گتیریلمه‌سینی ده احاطه ائد‌ن حربی مقاویله امضالاماغی تکلیف ائدیب. تهرانین فکرینجه، بو، «خاریجی حربی قوه‌لرین ارمنستان‌دا اولماسی حساب ائدیلمه‌یه‌جک و یالنیز وضعیتی ثابیتلشدیره‌جک». بئله‌لیکله، ارمنستان اؤزونو حاضر حل واریانتلاری اولان ایکی گئوسییاسی مرکز آراسیندا تاپیب و چتین آددیملار آتمالی اولاجاق».

تاراسوو او قناعت‌ده‌دیر کی، وضعیت‌دن ایکی چیخیش یولو وار: بیرینجیسی، آذربایجانلا باریشماق، تورکییه ایله مناسیبتلری برپا ائتمک و بونونلا دا گله‌جک نگاتیو حادثه‌لردن قورونماق، ایکینجی‌سی، آوروپا بیرلییی میسییاسینین فعالیتینی محدودلاشدیرماق:

«مسئله اوندادیر کی، بو میسییا ارمنستان و آذربایجان سرحدینده ریسکلرین آزالدیلماسی و ثابیتلیین برقرار اولونماسی کیمی رسمی شکیل‌ده بیان ائدیلمیش فونکسییالارینی هئچ واخت یئرینه یئتیرمه‌ییب. آتیشمالار اولوب، لاکین میسییا هئچ واخت بو فاکتلاری قیده آلماییب».

اونون فکرینجه، یاخین شرقله جنوبی قفقازدا باش وئرن پروسسلر آراسیندا سیخ علاقه‌نی آز آدام تصور ائدیردی، لاکین ایندی ایلک آددیم آتان ایراندیر:

«ارمنستان حقیقتا ده جدی تاریخی سئچیم ائتمه‌لی اولاجاق. او، بونو نه قدر تئز باشا دوشسه، هم اؤزونه، هم ده باشقالارینا بیر او قدر یاخشی اولار».