تورکیه فوتبول فدراسیاسی (ت.ف.ف) "ماکابی"نین (تل-اویو) فوتبولچوسو گابریل کانیچووسکیدن یوفا-یا شکایت ائدیب.

Axar.az خبر وئریر کی، اسرائیل‌لی فوتبولچو اؤتن هفته آوروپا لیگاسینین ۵-جی تورونون "بشیکتاش"ا قارشی کئچیریلن اویونوندا قول ووروب و بوندان سونرا "عسگر سلام"ی وئریب.

ت.ف.ف حساب ائدیر کی، گابریل کانیچووسکینین بو آددیمی سیاسی معنا داشیییر، دوشونجه‌سیز حرکتدیر و آچیق مساژ وئرمک مقصدی گودوب. بو سبب‌دن فدراسییا اویفا-نین ائتیک و انتظام کمیته‌سین‌دن آدیچکن فوتبولچویا و کلوبونا قارشی انتظام ایشی آچیلماسینی خواهیش ائدیب.

خاطرلاداق کی، "بشیکتاش"لا ماتچدا "ماک کابی" ۳:۱ حسابی ایله غلبه قازانیب. اولجه‌دن استانبولدا کئچیریلمه‌سی نظرده توتولان قارشیلاشما سونرادان تهلوکه‌سیزلیک سببین‌دن نیترال میدان‌دا - مجارستان‌دا اوینانیلیب.