ایرانین ایدمان ناظری احمد دنیامالی جنوبی کره‌ده اؤلکه‌نین یونگول آتلتیکا کومانداسینین عضولرینین جنایتلرینه گؤره پارلامئنته چاغیریلیب.

Axar.az خبر وئریر کی، بو حاق‌دا ایران مئدیاسی معلومات یاییب.

بو، جنوبی کره‌ده کئچیریلن آسیا اویونلاری زامانی ایرانین یونگول آتلئتیکا اوزره میللی کومانداسینین بیر نئچه عضوونون جنسی تجاوز و تلفن اوغورلاماسی سببیندن ساخلانیلمالاری ایله علاقه‌لی‌دیر.

پارلامئنتین ایدمان فراکسیاسینین سؤزچوسو روح‌الله لک علی‌آبادی حادثه‌نین "هئچ بیر شکیل‌ده گؤزآردی ائدیله بیلمیجه‌یینی" وورغولاییب:

"بو حادثه ایرانین بین‌الخالق عالم‌ده ایدمان ایمیجینه خیانت‌دیر و تام شفافلیقلا آراشدیریلمالی‌دیر».

قید ائدک کی، بیر نئچه گون اول جنوبی کره‌نین "هانکیوره" قزئتی آسیا چئمپیوناتیندا اشتراک ائتمک اوچون بو اؤلکه‌یه گئدن ۳ ایرانلی آتلئتین ۲۰ یاشلی قادینا تجاوز ائتدیکلری اوچون ساخلانیلدیقلارینی یازیب.

بوندان سونرا ایران مئدیاسی دا جنوبی کره‌یه گئدن ۱۹ نفرلیک هئیتین یالنیز ۱۴-نون ایرانا قاییتدیقلارینی بیلدیریب.

ایکی آتلئت و بیر باش مشقچی جنسی تجاوزه گؤره، ۲ آتلئت ایسه تلفن اوغورلوغونا گؤره حبس ائدیلیب.

جنوبی کره‌لی حقوق‌شناسلار ایرانلی ایدمانچیلارین ۷ ایل، حتی عمورلوک حبس جزاسینا محکوم ائدیله بیله‌جکلرینی بیلدیریبلر.