مونهن تهلوکهسیزلیک کنفرانسی چرچیوهسینده تشکیل ائدیلهن «آچیق دهلیز سیاستی: ترانس-خزر امکداشلیغینین درینلشدیریلمهسی» موضوعسوندا پانل مذاکرهلرینده و ائلجه ده آذربایجان پرزیدنتی ایلهام علیئوین «فرانس ۲۴» تلهکانالینا مصاحبهسینده بینالخالق صلح و رفاه نامینه ترامپ مارشروتونون (تریپ) (زنگزور دهلیزینین) اهمیتی خصوصی وورغولانیب. بس، زنگزور دهلیزی آذربایجانا نه قدر گلیر وعد ائدیر؟
Axar.az خبر وئریر کی، بو سوالا ملت وکیلی، اقتصادچی عالم ووقار بایراموو جوابیندا دئییب کی، زنگزور دهلیزینین استفادهیه وئریلمهسی بوتؤولوکده رگیون دولتلرینین اقتصادی انکشافینا دستک اولاجاق.
«بیر طرفدن گوجلنهن مرکزی آسیا و اقتصادی آرتیملی چین، دیگر طرفدن ایسه استحلاک ماللارینا طلبی آرتان آوروپا دهلیز واسطهسی ایله یوکداشیمالاری حیاتا کئچیره بیلهجکلر.
ایلکین قیمتلهندیرمهلره گؤره، زنگزور دهلیزینین استفادهسی آذربایجانین غیر-نفت اقتصادیاتینین علاوه اولاراق ۲ فایز و غیر-انرژی اخراجاتینین ایسه ایللیک ۷۰۰ میلیون دلار آرتماسینا سبب اولا بیلر. دنیا بانکینین حسابلامالارینا گؤره، اورتا دؤورده دهلیز ۵۰ میلیارد دلارلیق تجارت دؤورییهسینه شرایط یارادا بیلر.
«بلومبرگ» آگنتلیی دهلیزدن استفادنین آوروپا-آسیا مارشوروتو اوزره یوکلرین داشینماسیندا ۱۲-۱۵ گونه قناعت ائدیلمهسینه گتیریب چیخاراجاغی قناعتیندهدیر. قیطهلر آراسینداکی تجارت دؤورییهسینین ۲۰۰ میلیارد دلار آرتاجاغی گؤزلهنیلیر. یوکلرین ۱۰-۱۵ فایزینین زنگزور دهلیزی واسطهسیله داشیناجاغی تقدیرده آذربایجان یاخین گلهجکده ایلده ۳.۰ میلیارد دلار ترانزیت گلیری الده ائدجک.
گؤروندویو کیمی، زنگزور دهلیزینین استفادهیه وئریلمهسی نهاینکی رگیوندا، بوتؤولوکده قیطهده یوکداشیمالار خریطهسینین دییشمهسینه سبب اولاجاق»، - او بیلدیریب.