آبش و ایسرایلین کوتلوی زربه‌لری فونون‌دا ایران حکومتی بوتون قیدا و کند تصروفاتی محصوللارینین ایخراجینین دایاندیریلماسی ایله باغلی قرار قبول ائدیب. ایران مئدیاسینین یایدیغی معلوماتا گؤره، اهالینین اساس، زروری و حیاتی اهمیت‌لی ماللارلا تأمیناتینا اوستونلوک وئریلمه‌سی ایله الاقدار سؤزوگئ‌دن محصوللارین ایخراجی نؤوبتی قرارادک قاداغان ائدیلیب.

ایران آذربایجانین ان چوخ ایدخال حیاتا کئچیردیی اؤلکه‌لرین ایلک اونلوغونا داخیل‌دیر. بو اؤلکه‌دن گتیریله‌ن محصوللار آراسین‌دا قیدا و کند تصروفاتی محصوللاری دا یئر آلیر.

سؤزوگئ‌دن مؤوضو ایله باغلی اقتصادچی ناتیق جعفرلی Axar.az-آ آچیقلاماسین‌دا بیلدیریب کی، ایران‌دان آذربایجانا گلن ماللارین هج‌می او قدر ده بؤیوک دئییل:

«عمومی تیجارت دؤورییه‌سینه باخان‌دا کئچه‌ن ایل ۶۰۰ میلیون دوللاردان بیر آز چوخ تیجارت دؤورییه‌سی اولوب. تقریباً ۸۰-۹۰%-اینی ایران‌دان آلمیشیق. ۱۰-۱۵% ایسه بیز ایرانا ایخراج ائتمیشیک. ایران‌دان گلن محصوللارین اساساً کند تصروفاتی و ارزاق محصوللاری اولدوغو بیلینیر. عمومی بازارداکی پایی بؤیوک دئییل. ساده‌جه اهمیتی اوندان عبارت ایدی کی، قیمتی باشقا اؤلکه‌لردن گلن آنالوژی محصوللاردان داها اوجوز اولدوغون‌دان اهالینین بیر قیس‌می ایران محصوللارینا یؤنلمیش‌دی».

ائکسپئرتین سؤزلرینه گؤره، آذربایجان ایران‌دان اونیکال ماللار آلمیر، ایران‌دان آلینان ماللار باشقا اؤلکه‌لردن ده آلینا بیلر:

«ساده‌جه اونلارین قیمتی باهادیر. ایران ماللاری یاواش-یاواش بازاردان چکیل‌سه و بو اوزون مدت داوام ائتسه، آنالوژی ماللارین قیمتی بیرمه‌نالی اولاراق آرتاجاق. چونکی ایستر-ایستمز ایران محصوللاری بازاردا رقابت یارادیردی».

خاتیرلاداق کی، اؤت‌ن ایلین دئکابر آیینین ایستاتیستیکاسینا گؤره، آذربایجانا ۱۲۱ میلیون ۶۰.۴۲ مین دوللار دیرین‌ده ۱۶ ۷۶۳.۷۳ تون کره یاغی ایدخال اولونوب، اؤلکه‌دن ایسه ۲۶ میلیون ۳۲۲.۸۸ مین دوللار دیرین‌ده ۳ ۷۷۹.۱۷ تون محصول ایخراج ائدیلیب. ایدخال‌دا لیدئر مؤقع‌ده ایسه ایران دایانیر. بو اؤلکه‌دن ۴۲ میلیون ۱۱۷.۲۷ مین دوللار دیرین‌ده ۶ ۹۹۴.۵۶ تون کره یاغی آلینیب.

ناتیق جعفرلی ده بیلدیریب کی، اگر ایران بازاردان چکیل‌سه، تامامیله سیرادان چیخ‌سا، او زامان دیگر اؤلکه‌لردن - یئنی زئلان‌دییا، آوسترالییا، بئلاروس کیمی اؤلکه‌لردن گلن یاغلارین هج‌می آرتاجاق و عینی زامان‌دا، قیمتی ده یوک‌سه‌له‌جک.

مقاله آذربایجان رئسپوبلیکاسینین مئدیانین اینکیشافی آگئنتلیینین (مئدیا) مالییه دستیی ایله «آزاد ساهیبکارلیغین و لیبئرال اقتصادیاتین تشویقی" ایستیقامتی اوزره هازیرلانیب.