۱۰ دئکابردا اوپئک-این ویانا گؤروشون‌ده قوروما عضو اولمایان اؤلکه‌لرین ده نئفت حاصیلاتینی آزالتماقلا باغلی قراری نئفتین قیمتینه و دوللارا تأثیر گؤسترمه‌یه باشلاییب.

آخار. آز خبر وئریر کی، نویابرین ۱۰-دا اوپئک عضولرینین گون‌ده‌لیک نئفت حاصیلاتینی ۱،۲ میلیون باررئل، ۱۰ دئکابردا ایسه اوپئک عضوو اولمایان اؤلکه‌لرین ۶۰۰ مین باررئل آزالتماقلا باغلی راضیلیق الده ائتمه‌سی نئفتین قیمتینین قیسا مدت‌ده ۵۷ دوللاری کئچمه‌سینه سبب اولوب.

بونون آردینجا ایسه روسییادا دوللارین سرعتله اوجوزلاشماسی موشاهیده اولونور. حاضردا موسکوا بیرژاسین‌دا ۱ دوللار ۶۱،۶۸ روبل، آورو ایسه ۶۵،۱۸ روبلا قدر اوجوزلاشیب.

نئفت اؤلکه‌سی اولان ایران‌دا دا دوللار بو گون اوجوزلاشماغا باشلاییب و ۳۹۰۸ تومه‌نه دوشوب.

تورکییه‌ده ایسه عکسینه، دوللار سحر ساعتلارین‌دان باهالاشماق‌دادیر. حاضردا ۱ دوللار ۳،۵۲ لیره‌یه یاخینلاشیر کی، بو دا قارداش اؤلکه اوچون ان یوکسک گؤستریجیلردن بیری‌دیر.