روسییادا پرزیدنت ولادیمیر پوتینین دوستو کیمی تانینان آرکادی و بوریس روتنبرگ قارداشلاری «موسکوا-سیتی» موسکوا بینلخالق ایشگذار مرکزینین اراضی‌سینده اینشا اولونان «گراند تاور» گؤیده‌له‌نینه اورتاق اولور.

ویرتوالاز. اورگ خبر وئریر کی، بو باره‌ده «کمرسانت» یازیب. گؤیده‌له‌نی اینشا ائد‌نلر آذربایجانلی میلیاردرلر قود نیسانوو و زاراه ایلیئودیر. اصلینده پوتینین دیگر دوستو ایلهام رحیموو اولدن اونلارین بیزنس اورتاغیدیر.

قزئتین یازدیغینا گؤره روتنبرگ قارداشلارینا مخصوص سمپ-بانک لاییحه‌نین مالییه پارتنیورو کیمی جلب ائدیله‌جک. ایندییه قدر لاییحه‌نین ملکیت‌چی‌سی اولان، قود نیسانوو، زاراه ایلیئو و ایلهام رحیمووا مخصوص کیوسکایا پلوشاد شرکتی ایسه باش پودراتچی ایستاتوسونو داشییاجاق. نیسانوو و ایلیئو گؤیده‌له‌نین تیکیلمه‌سی اوچون اراضینی ۲۰۱۱-جی ایلده مسکوا مئرییاسیندان ۷.۲ میلیارد روبلا آلیبلار.

بیزنسمنلر اراضی‌ده عمومی ساحه‌سی ۳۱۵ مین کوادراتمتر اولان «گراند تاور» چوخفونکسییالی کومپلکسینی اینشا ائدیرلر. بو کومپلئکسده اوفیسلر و آپارتمانلار یئرلشه‌جک. ایلیئو و نیسانوو موسکوانین داشینماز املاک کراللاریدیر، اونلارین مولکیتینده کومرسییا تعینات‌لی چوخسایلی داشینماز املاک وار. گؤیده‌له‌نین تیکینتی‌سینین گلن ایل باشا چاتدیریلماسی پلانلاشدیریلیر.

«کنیت فرانک» کونسالتینق شیرکتیندن آلان بالویئو حساب ائدیر کی، کومپلکسین تیکینتی‌سی تخمیناً یاریم میلیارد دوللارا باشا گله‌جک. باش پودراتچیلارین بو تیکینتیدن قازانجی ۳.۷۵-۵.۴ میلیارد روبل اولا بیلر. لاکین پودراتچیلار بو قازانجی پول شکلینده دئییل، حاضر بینادا مبلغه اویغون کوادراتمترلرله الده ائد‌جکلر.