سون زامانلار کرکوک بؤلگه‌سی ایله باغلی بغدادین، همچینین جیهان لیمانینا گلن نفت بورو کمرینی قاپاداجاغی حاقیندا پرزیدنت اردوغانین بیاناتلاری نفتین قیمتینه تأثیر ائدیر.

بو سؤزلری آخار. آذ-آ سون زامانلار نفتین قیمتینین آرتما سببلری حاقیندا دانیشان اقتصادچی اکسپرت ناتیق جعفرلی دئییب. او بیلدیریب کی، سیاسی حادثه‌لر، حربی گرگینلیک قیسا مدتلی نفت بازارینا تأثیر ائدیر:

«یاخین شرقین جدی نفت حاصیل ائد‌ن بؤلگه اولدوغونو نظره آلساق، منه ائله گلیر کی، بیاناتلارین شدتی و سیاسی گرگینلیک آزالدیقجا، نفتین قیمتینده ده نورماللاشما مشاهیده اولوناجاق. یوخ اگر سیاسی گرگینلیک مناقیشه‌یه قدر گئدیب چیخارسا، او زامان طبیعی کی، نفتین قیمتی یئنیدن آرتا بیلر. اونو دا قید ائدیم کی، اقتصادی و اورگانیک سببلر اولمادان، سیاسی گرگینلیک حسابینا قالخان قیمتلر ایستابیل اولمور. اقتصادی باخیمدان ایسه کوکلی دییشیکلیک یوخدور. حاصیلاتین آرتماسینی و دونیادا، آوروپا بیرلیگی اؤلکه‌لرین‌ده ایستهلاکین آزالماسینی گؤروروک. یعنی ائله بیر اساسلی دییشیکلیک یوخدور کی، نفتین قیمتینین آرتماسینین اقتصادی سببلرله باغلی اولدوغو ادعاسینی سسلندویره‌سن».

قید ائدک کی، سون گونلر دونیا بیرژاسیندا نفتین قیمتی آرتماقدادیر. آرتیق «برنت» مارکالی نفتین قیمتی ۵۹،۵، «آذر لایت» ایسه ۶۰،۵ دوللارا ساتیلیر.