روسییا ایله غرب آراسینداکی سویوق موناسیبتلر روسییا وطنداشلارینین دوللارا اولان طباتینین آرتماسینا و بانکلاردا دوللار قیتلیغینین یارانماسینا سبب اولوب.

آخار. آذ خبر وئریر کی، بو سؤزلری روسییا بانکلارینداکی دوللار قیتلیغینین سببلرینی شرح ائد‌ن اقتصادچی اکسپرت ناطیق جعفرلی دئییب. او بیلدیریب کی، بینلخالق شیرکتلر دوللارین، بو ایلین سونو و گلن ایلین اولین‌دن اعتباراً باهالاشاجاغینی و روس روبلونون دیردن دوشجیینی احتیمال ائدیرلر. اکسپرتین سؤزلرینه گؤره، حکومت بونون قارشیسینی آلماق ایستیقامتینده بیر سیرا تدبیرلر ده گؤرور:

«روسییا مالییه ناظرلیگی اوزون زاماندیر کی، دوللار آلغی-ساتقیسینی بیرژالار واسطه‌سیله حیاتا کئچیریر. یعنی بیرژالارا موداخیله ائد‌رک، آلیش-ساتیش پروسسینی تنظیمله‌مه آلتلریندن ایستیفاده ائدیر. بونونلا دا اونلار دوللارین داها چوخ باهالاشماسینا ایمکان وئرمیرلر. ایندیسه بیان ائدیبلر کی، گلن ایلدن اعتباراً بو واسطه‌لردن ایستیفاده ائتمه‌یه‌جکلر. یعنی مالییه ناظرلیگی داها چوخ بازارین رئاکسییاسینا اویغون اولاراق آددیم آتاجاق. بو دا اهالی‌ده «مالییه ناظیرلیینین مداخیله‌سی اولمایاجاقسا، او زامان دوللارین باهالاشماسی احتیمالی یوکسکدیر»فیکرینین فورمالاشماسینا سبب اولور».

اکسپرت دوللارا طلباتین هم ده سیاسی و پسیخولوژی سببلرله باغلی اولدوغونو بیلدیریب:

«اوزون زاماندیر احتیمال اولونوردو کی، روسییا ایله غرب آراسیندا باش وئرن سویوق موناسیبتلر بیر مدت سونرا دوزله‌جک. ۲۰۱۷-جی ایل اوچون بؤیوک گؤزلنتیلر وار ایدی. هم آمریکاداکی پرزیدنت سئچکیلریندن، هم ده آوروپادا بعضی سیاستچیلرین و سیاسی قروپلارین اؤنه چیخماسیندان سونرا بئله بیر احتیمال فورمالاشمیشدی. سون پروسسلر ایسه اونو گؤستریر کی، هم آوروپا بیرلیگی اؤلکه‌لری، هم ده آمریکا روسییایا قارشی داها جدی سانکسییالارین تطبیق اولونماسینا و بو سانکسییالارین داها دا گنیشلندیریلمه‌سینه باشلاییب. بو دا بوتون اومیدلری سونلاندیردی. مناسیبتلرین بئله اولماسی دوللارا طلباتین آرتماسینا سبب اولان پسیخولوژی عامللردن بیری ایدی.

دیگر بیر مسئله ایسه نفتله باغلیدیر. چونکی روسییا نفتدن آسیلی اولان اؤلکه‌دیر. بو یاخینلاردا روسییا مرکزی بانکی انرگتیکا ناظیرلیینه چوخ ماراقلی آراشدیرما تقدیم ائدیب، گؤزلنتیلرینی آچیقلامیشدی. بو آچیقلامالار، نفتین یاخین ایکی ایلده اورتالاما قیمتلری ایله باغلی احتیماللاردان عبارت ایدی. بو پسیخولوژی عامللر وطنداشلاری روبللا اولان وسایتلرینی دوللارا چئویرمه‌یه وادار ائدیر».