گلوبال اینکیشاف گله‌جک ایللرده لنگیمه ریسکی ایله قارشی-قارشییادیر. چوخ آشاغی اینفلیاسییا سوییه‌سی و آرتان گوسییاسی ریسکلر بونا شرایط یارادیر.

آخار. آذ خبر وئریر کی، بو سؤزلر بین الخالق والیوتا فوندونون (دنیا بانکی) سون آچیقلاماسیندا یئر آلیب. آچیقلامادا بیلدیریلیر کی، اقتصادیاتی اینکیشاف ائتمیش اؤلکه‌لرده اینفلیاسییانین نورمادان آشاغی اولماسی و بیر چوخ اؤلکه‌ده پوتئنسیال اینکیشافین سرعت ضعیف‌لیگی گلوبال اینکیشافی ضعیفله‌دن اساس عامل‌دیر:

"قیسا مدت‌لی ریسکلر یوکسک حجمده بالانسلاشدیریلیب، اما اورتا سوییه‌لی اقتصادی ریسکلر آشاغی حجملی بالانسلاشدیریلدیغینا گؤره، گئوسییاسی تضییق بونا داها تئز تأثیر ائدیر".

حسابات‌دا، ان چوخ هانسی گئوسییاسی ریسکلرین ناراحاتلیغا سبب اولدوغو بیلدیریلمه‌ییب.

فوندون آچیقلاماسیندا، گلوبال منظره‌نین محکملندیی، آرتان اینوستیسییالار، صنایع ایستحصالی و اعتبارلیلیق پرینسیپلری ده ایشیقلاندیریلاراق قید اولونوب کی، کیلید اهمیتلی چتینلیکلرین دفع ائدیلمه‌سی مسئله‌سینده الوئریشلی شرایط حاضرلانیر.