گلوبال مالییه بازاریندا آورو اساس والیوتالارلا (ارز) موقاییسه‌ده اوجوزلاشماغا باشلاییب.

رئپورت خبر وئریر کی، بونا سبب آلمانییادا کانسلر آنگئلا مرکلین کوالیسییا حکومتی یاراتماق جهدلرینین اوغورسوزلوقلا نتیجه‌له‌نمه‌سی اولوب. قید ائدک کی، مرکلین رهبرلیک ائتدیی محافیظه کارلارین مؤوقعیی سنتیابر آییندا کئچیریلمیش سئچکیلرده ضعیفله‌ییب. بو گون آنگلا مرکل آلمانییا پرزیدنتینه کوالیسییا حکومتی قورا بیلمه‌مه‌سی باره‌ده معلومات وئریب. بئله کی، بو گون مرکل آزاد دموکرات پارتییاسی ایله کوالیسییا دانیشیقلاریندا رد جاوابی آلیب. بو دا او دئمکدیر کی، مرکلین پارتییاسی کوالیسییا حکومتینی فورمالاشدیرا بیلمه‌سه، اؤلکه یئنی سئچکیلره گئده‌جک.

بو خبر آورونون دوللارلا موقاییسه‌ده مزننه‌سینین ۱،۱۸ دلار/یورو سوییه‌سیندن ۱،۱۷۲۵ دلار/یورو-یا قدر ائندیکدن سونرا، حاضردا ۱،۱۷۴۰دلار/یورو-یا یوکسلیب. یاپونییا یئنی ایله موقاییسه‌ده ایسه آورو ۱۳۳،۲-دن ۱۳۱،۳-ا قدر گئریله‌ییب.