بیز قونشو دؤولتلرله بیر سیرا ایری میقیاسلی لاییحه‌لر حیاتا کئچیریریک. بو دا اؤلکه‌میزده کیچیک و اورتا صاحیبکارلیغین اینکیشافیندا، شیرکتلرین خاریجی تیجارت علاقه‌لرینین گئنیشله‌نمه‌سینده موهوم رول اویناییر.

آخار. آذ خبر وئریر کی، بو سؤزلری گورجوستانین باش ناظری گئورگی کویریکاشویلی اؤلکه‌سینده فعالیت گؤستره‌ن شیرکتلرین، بیزنس ایستروکتورلارین نماینده‌لری ایله کئچیریله‌ن گؤروشده سؤیله‌ییب.

او دئییب کی، گورجوستان دؤولتی رگیون دؤولتلری ایله اقتصادی امکداشلیغین گئنیشلندیریلمه‌سینده ماراقلی‌دیر. گورجوستان حکومتی بونون اوچون الیندن گله نی ائدیر.

باش ناظر دئییب کی، بو امکداشلیق رگیوندا ثابتلییه، خالقلارین ریفاه حالینین یاخشیلاشماسینا خیدمت ائدیر.

حکومت باشچیسینین سؤزلرینه گؤره، بو، هم ده خاریجی ایش آداملارینین گورجوستاندا اقتصادی علاقه‌لرینین گئنیشله‌ندیرمه‌سینه ایمکان یارادیر.

باس ناظر آذربایجان، گورجوستان و تورکییه‌نین بیرگه ایشتیراکی ایله رئاللاشدیریلان لاییحه‌لرین، بؤیوک ایپک یولونون برپاسینین و اینکیشافینین اهمیتینی بیر داها قئید ائدیب. او، بو لاییحه‌لرین رگیون و آوروپا اؤلکه‌لرینین اینکیشافیندا، انرژی تهلوکسیزلیینده و عمومیلیکده ثابیتلیین تامین اولونماسیندا موهوم رول اوینادیغینی خصوصی وورغولاییب.