۰۹:۵۷

«برنت» مارکالی نفتین بیر بارلینین قیمتی ۶۵ دوللارادک اوجوزلاشیب.

آخار. آذ خبر وئریر کی، اقتصادچی عالیم ووقار بایراموو ۷۰ دوللارلیق پسیخولوژی حدی کئچن «قارا قیزیل»این یئنی‌دن دیر ایتیرمه‌سینی بئله ایضاح ائدیب:

«بیر سیرا بینلخالق تدقیقات قوروملاری نفتین قیمتینده یئنیدن آزالمالارین اولاجاغینی پروقنوزلاشدیریرلار. اوللر ده قئید ائتدییمیز کیمی، نفتین سون قیمت آرتیملاری حاصیلاتین آزالماسی ایله یاناشی، ایسپئکولیاتیو موداخیله‌لرله باغلی ایدی. بعضی والیوتا فوندلاری سون آیلار نفت بازاریندا فعاللیغی آرتیراراق قیمتین قالخماسینی ایستیموللاشدیرماغا چالیشیردیلار. دیگر طرفدن، آمریکا و کانادادا شیست نفت حاصیل ائد‌ن قویولارین ساییندا آرتیملار موشاهیده ائدیلیر و بو دا شیمالی آمریکانین نفت بازاریندا مرحله‌لی شکیلده مؤوقعینین گوجله‌نمه‌سینه گتیریب چیخاریر».

اقتصادچی بیلدیریب کی، بیر سیرا اوپئک اؤلکه‌لری، او جمله‌دن ایران نفتین سون آیلارداکی قیمت آرتیملاریندان ناراحاتلیقلارینی گیزلتمیردیلر:

«چونکی بئله قیمت آرتیملاری یئنی و داها جدی قیمت آزالمالارینا سبب اولا بیلر. دوغرودور، ونزوئلا، لیوییا و نیجرییا کیمی اؤلکه‌لرده نفت حاصیلاتین‌دا دؤورو اولاراق آزالمالار موشاهی‌ده ائدیلیر. اما سون قیمت ائندیریملری شیست نفت حاصیلاتینین خام نفتین دونیا بازار قیمتینه تأثیرینین قورونوب ساخلاماسیندان خبر وئریر. نفتین قیمتینده اوجوزلاشمالار داواملی اولارسا، اینوستورلارین بیر قیسمی سرمایه‌لرینی دیگر، او جمله‌دن والیوتا بازارینا ترانسفر ائده بیلرلر. بونون باش وئرجیی حال‌دا نفتین قیمتینده اوجوزلاشما، دوللارین ایسه دؤنرلی والیوتالارا نیسبتا محکه‌مله‌نمه‌سی موشاهی‌ده ائدیله بیلر».

قید ائدک کی، ان سون معلوماتا گؤره، وتی نفتینین ۱ بارلی ۶۱،۷۰ دوللار، «برنت» مارکالی نفتین ۱ بارلینین دیری ایسه ۶۵،۵۲ دوللاردیر.