۲۰۲۱-جی ایلده روسییادا نفت حاصیلاتی پیک حده - سوتکادا ۱۱،۷۴ میلیون باررئله چاتاجاق.

آخار. آذ خبر وئریر کی، بو باره‌ده اینفورماسییا بین الخالق انرگتیکا آگنتلیینین (بئا) حساباتیندا یئر آلیب. حساباتا اساساً، ۲۰۲۳-جو ایلده نفت حاصیلاتی ۱۱،۵۷ میلیون باررئله قدر آزالاجاق:

«بو ایلده‌ن اعتباراً روسییادا حاصیلات آزالماغا دوغرو گئده‌جک. گله‌جک‌ده آزالما ریسکی شیرکتلرین یئنی تئخنولوگییا و اینوئستیسییالار چاتیشمازلیغی، ائلجه ده حکومتین وئرگی اصلاحاتلاری آپارماماسی اوجباتیندان یارانا بیلر».

حسابات‌دا همچینین نفته طلباتین ۵ ایل عرضینده ۵،۵% آرتاجاغی و سوتکالیق ۱۰۴،۷ میلیون باررئله احتیاج اولاجاغی بیلدیریلیب. لاکین بو آرتیم تئمپینین ۲۰۲۳-جو ایلده‌ن سونرا ضعیفله یه جه یی وورغولانیب. آرتان طلباتین بؤیوک حیسه‌سینین چین و هیندیستانا یؤنله جه یی قئید ائدیلیب:

«۲۰۲۳-جو ایلده‌ن سونرا آرتان طلبین آزالماسینا سبب ده چین اولاجاق. بئله کی، بو اؤلکه‌ده نفتی دیگر انرژی واسطه‌لری اوز ائد‌جک».

بئا همچینین ۲۰۱۷-جی ایلده نفت لاییحه‌لرینده بوتون دونیادا ۴۴۰ میلیارد دوللارین یاتیریلدیغینی و بو گؤستریجینین ۲۰۱۸-جی ایلده ده ساخلانیلاجاغینی بیلدیریب.