آذربایجان ایرانین گیلان ایالتینده آستارا دمیر یولو یوک ایستانسییاسینین یئنیدن قورولماسینا ۶۰ میلیون دوللار اینوئستیسییا قویور.

آپا-نین وئردیی معلوماتا گؤره، بونو "ایران دمیر یوللاری"نین ایستیثمار و بین الخالق یوک داشیمالاری اوزره ویتسه-پرزیدنتی حسین آشوری بیلدیریب.

آشوری دئییب کی، آستارا دمیر یولو یوک ایستانسییاسی ۱۵ ایللیک آذربایجانین ایستیثمارینا وئریلیب. آستارا (آذربایجان) - آستارا (ایران) دمیر یولونا باخیش کئچیرن آشوری دمیر یولونون بو حیصه‌سینین جومعه آخشامی ایران پرزیدنتی حسن روحانینین آذربایجانا سفری زامانی آچیلاجاغینی قید ائدیب.

بوندان علاوه، سفر زامانی آذربایجان و ایران آراسیندا رشت-آستارا دمیر یولونون تیکینتیسی ایله باغلی سازیش ایمضالاناجاق. آذربایجان رشت-آستارا دمیر یولونون تیکینتیسینه ۵۰۰ میلیون دوللار آییراجاق.