ایرانا قارشی سانکسییالارین گنیشلندیریلمه‌سی نفت بازارینا گؤزله‌نیلن تاثیرلرینی گؤسترمکده‌دیر. نفتین بیر بارلینین قیمتی سون ایللر ایلک دفعه اولاراق ۷۷ دوللاری کئچدی. آذربایجان نفتینین بیر بارلینین قیمتی ایسه ۸۰ دوللارلیق پسیخولوژی حده یاخینلاشیر.

آخار. آذ خبر وئریر کی، بو سؤزلری ترامپین ایرانلا باغلی قرارینین دونیا بازاریندا نفتین قیمتلرینه تأثیری مسئله‌سینی شرح ائد‌ن اقتصادچی عالیم ووقار بایراموو دئییب. اکسپرت بیلدیریب کی، آمریکا پرزیدنتینین سون قراری نفت بازارینا هم پسیخولوژی، هم ده اقتصادی تاثیرلر گؤستریر:

«بئله کی، اؤتن ایل ۲.۱۳ میلیون بارل گونده‌لیک نفت ایخراجاتینا مالیک اولان ایرانین ۲۰۱۸-جی ایلین نؤوبتی آیلاریندا «قارا قیزیل» نقلینی گونده‌لیک ۵۰۰ مین بارل آزالتماسی تهلوکه‌سی وار. بو، اقتصادی باخیمدان نفتین هر بارلین‌ده ۶ دوللار آرتیم دئمکدیر. سانکسییالار فونوندا گلن ایل جنوب قونشوموز دونیا بازارینا گونده‌لیک داها ۱۵۰ مین بارل آز نفت چیخارا بیلر. بو ایسه نفت بازاریندا تکلیفین حس ائدیله‌جک سوییه‌ده آزالماسی دئمک اولاجاق».

ایقتیصادچینین سؤزلرینه گؤره، سعودییه عربیستانی ایله بیر ایل اؤنجه ۱۱۰ میلیارد دوللارلیق سلاح آلوئری ایمضالایان آمریکا آدمینیستراسییاسی نفتین دونیا بازار قیمتینین یوکسلمه‌سینی اوولکی کیمی حساسلیقلا قارشیلامیر:

«یوکسک قیمتلر آغ ائوین یاخین شرق‌ده‌کی سلاح آلیجیلاری اولان متفیقلرینین ده گلیرلرینی آرتیریر. سعودییه اوچون نفتین بیر بارلینین قیمتینین ۸۵ دوللار اولماسینین مقبول حد ساییلدیغینی نظره آلدیقدا حاضیرکی قیمت الریادین ماراقلارینا تام اویغون گلیر».

بایراموو ایرانا تطبیق ائدیلن سانکسییالارین آذربایجانا بیرباشا و دولایی تأثیرلریندن ده دانیشیب:

«نفتین دونیا بازار قیمتینین یوکسلمه‌سی آذربایجانا داخیل اولان والیوتانین حجمینین آرتماسینا گتیریب چیخاریر. اقتصادی و سوسیال اینکیشاف مرکزینین (جسد) حسابلامارینا گؤره، نفتین ۲۰۱۸-جی ایلده بیر بارلینین اورتا قیمتی ۷۰ دوللار اولارسا، او زامان آذربایجان علاوه اولاراق ۴،۲۸۲ میلیارد مانات، ۷۵ دوللار اولارسا، ۵،۱۳۹ میلیارد مانات گلیر الده ائد‌جک. بو ایسه اؤلکه‌نین داخیل اولمالارینین آرتماسی باخیمدان واجیبدیر».

اکسپرت قید ائدیب کی، بونونلا یاناشی، سانکسییالار ایرانلا علاقه‌لریمیزه ده تأثیر گؤستره‌جک:

«آرتیق اکثر آذربایجان بانکلاری ایران شیرکتلرینه پول کؤچورمه‌لرینی دایاندیریبلار. سانکسییالار بیرگه لاییحه‌لرین ده رئاللاشماسینا منفی تأثیر گؤستره بیلر. بونونلا یاناشی، سانکسییالارین دیگر اؤلکه‌لره تأثیرلری آوروپا بیرلیینین مؤوقعین‌دن آسیلی اولاجاق. قدیم قیطعه ترامپین سون آددیمینی دستکله‌مه‌مکده داوام ائدرسه، او زامان ینی سانکسییالار ایرانلا اقتصادی علاقه‌لریمیزه داها آز تأثیر گؤستره‌جک».

قید ائدک کی، ترامپ ایرانلا نووه آنلاشماسیندان چیخدیغینی بیان ائدیب. آمریکا پرزیدنتی تهرانا قارشی سانکسییالارین برپا ائدیلجیینی آچیقلاییب.