تورکییه‌نین «دنیزبانک»ی بیرلشمیش عرب امیرلیکلرینین «امیراتس نبد» بانکینا ساتیلیب.

آخار. آذ خبر وئریر کی، بو باره‌ده معلوماتی «رؤیتر» آگنتلیگی یاییب. بانکین سهملرینین ۹۹،۸۵%-ی عربلره ۳،۲ میلیارد دوللارا ساتیلیب.

قید ائدک کی، «دنیزبانک» بوندان اؤنجه روسییانین «سبربانک»ینا عایید اولوب. بانکین ساتیشی ایله باغلی روسلارلا عربلر آراسینداکی دانیشیقلار یانوار آیین‌دا باشلاییب. «سبربانک» «دنیزبانک»داکی پایینی ۲۰۱۲-جی ایلده بلچیکانین «دکسیا» قروپوندان ۲،۷۹ میلیارد آورویا آلیب.

«امیریتس ان بی د» بیرلشمیش عرب امیرلیکلرینه مخصوصدور. بانک فارس کؤرفزینین ان بؤیوک بانکلاریندان ساییلیر. حاضردا بانکین ۷ مین ایشچیسی وار. بانکین عمومی دیری ۱۲۱ میلیارد دوللاردیر. «امیریتس ان بی د»-نین رهبرلریندن بیری دوبای امیرینین عمیسی شیخ احمد بین ساعد المکتومدور.