تورکییه‌نین اسکیشهر شهرینده ترانس-آنادولو بورو گاز کمرینین (تاناپ) آچیلیشی مراسی‌می کئچیریلیب.

آخار. آذ خبر وئریر کی، مراسیم‌ده تورکییه پرزیدنتی رجب طایییب اردوغان، آذربایجان پرزیدنتی ایلهام علیئو، اوکراینا پرزیدنتی پیوتر پوروشنکو، صربییا پرزیدنتی آلکساندر ووچیچ، بولغاریستانین باش ناظری بویکو بوریسوو، شیمالی کیپر تورک جومهوریتینین پرزیدنتی مصطفی آکینجی، بی پی شیرکتینین باش ایجراچی دیرکتورو روبرت دادلی، موختلیف اؤلکه‌لردن ناظیرلر، انرژی شیرکتلرینین رهبرلری ایشتیراک ائدیبلر.

قید ائدک کی، تاناپ عمومی اینوستیسییا دیری ۴۰ ملیارد. دلاری مبلغینده قیمتلندیریلن، اوزونلوغو ۳ ۵۰۰ کم-دن آرتیق اولان جنوب گاز دهلیزی لاییحه‌سینین اساس کومپوننتلریندن بیریدیر. جنوب گاز دهلیزی لاییحه‌سی خزرین آذربایجان سکتوروندا یئرلشن «شاهدهنیز» گاز-کوندنسات یاتاغینین ایستیثمارینین ایکینجی مرحله‌سی چرچیوه‌سینده حاصیل ائدیله‌جک گازین بورو کمرلری ایله تورکییه و آوروپایا نقلینی نظرده توتور.

تاناپ تورکییه‌نین گورجوستانلا سرحددین‌ده یئرلشن آردحان شهرینین پوسوف رایونونون تورکگؤزو کندیندن باشلاییر و یونانیستان سرحددین‌ده، ادیرنه‌نین ایپسالا رایونوندا آوروپا اؤلکه‌لرینه طبیعی کاز نقلینی حیاتا کئچیره‌جک ترانس-آدریاتیک بورو کمرینه (تاپ) بیرلشدیریله‌جک.

تاناپ-این تملی تورکییه پرزیدئنتی رجب طایییب اردوغان، آذربایجان پرزیدنتی ایلهام علیئو و گورجوستان پرزیدنتی گیورگی مارقولاشویلینین ایشتیراکی ایله ۱۷ مارت ۲۰۱۵-جی ایلده قارصدا قویولوب.

عمومی اوزون‌لوغو ۱۸۵۰ کم اولان تاناپ فازا-۰ و فازا-۱ حیصه اولاراق حیاتا کئچیریلیر. بورو کمرینین فازا-۰ آدلاندیریلان گورجوستان-تورکییه سرحددی-اسکیشهر حیصه‌سینین دیامتری ۵۶ دویم، اوزونلوغو ۱۳۴۰ کم تشکیل ائدیر. آوروپایا گاز وئریله‌جک فازا-۱ آدلاندیریلان حیصه‌نین (اسکیشهر-ادیرنه -آوروپایا قدر اولان حیصه) ایسه دیامتری ۴۸ دویم، اوزونلوغو ۴۷۶ کم-دیر. فازا-۱ ۲۰۱۹-جو ایلده آوروپا اوچون گازی قبول ائتمه‌یه حاضر اولاجاق.