ایران‌دا حاضردا دوللار تاپماق موشکول مسئله‌یه چئوریلیب.

آخار. آذ خبر وئریر کی، بو سؤزلری ایران‌دا نؤوبتی دئوالواسییانین باش وئرمه‌سی حاق‌دا دانیشان نئفت آراشدیرمالاری مرکزینین رهبری ایلهام شعبان دئییب. اکسپئرت بیلدیریب کی، ایران‌دا میللی والیوتانین کورسو تورکمنیستاندا اولدوغو کیمی ایکیلیدیر:

«رسمی کورس دییشمه‌سه ده، یعنی ۱ دوللار ۴۲ مین ریال اولسا دا، قارا بازاردا دوللارین کورسو ۶۵ مین ریالدان بیردن۸۷ مین ریالا قدر یوکسلیب. نینکی اؤلکه‌دن والیوتا چیخارماغا لیمیت تطبیق ائدیلیب، حاضردا دوللار تاپماق ساده‌جه موشکول مسئله‌یه چئوریلیب».

شعبان ایران میلی والیوتاسینین دئوالواسییاسینین اؤلکه‌میزه تأثیریندن ده سؤز آچیب:

«بو، آذربایجان اوچون یاخشی خبر دئییل. چونکی آمریکانین سانکسییالاریندان دولایی ایران‌دان اؤلکه‌میزه توریست آخینی آزالاجاق».

قید ائدک کی، ایرانین میللی والیوتاسی ریال یئنی‌دن دئوالواسییایا اوغراییب. بونا قارشی بو گون ایران‌دا آکسییالار دا کئچیریلیب.