آذربایجان مرحله‌لی شکیل‌ده ایخراجات‌دا و ائل‌جه ده بودجه گلیرلرینین فورمالاشماسیندا نفت پایینین آزالماسینا نایل اولمالیدیر کی، خاریجی فاکتورلارین تاثیرلرینی مینیماللاشدیرماق مومکون اولسون.

آخار. آذ خبر وئریر کی، بو سؤزلری اقتصادچی عالیم ووقار بایراموو قید ائدیب. او بیلدیریب کی، «برنت» مارکالی نفتین قیمتی آرتیق ۷۵ دوللاردان آشاغی تکلیف ائدیلیر:

«سون ۵ گونده دونیا بازاریندا نفتین قیمتی ۶ فایزه یاخین اوجوزلاشیب. نفتین دونیا بازار قیمتینده آزالمالار بیر سیرا اقتصادی و ائلجه ده سیاسی سببلر ایله باغلیدیر. اولا، تیجارت محاربه‌سی چین‌ده نفته اولان طلبی آزالدیر. اؤتن آی گونده‌لیک ۸.۳۶ میلیون بارل نئفت ایدخال ائد‌ن چینده ایدخال اوولکی آی ایله موقاییسه‌ده ۹% آشاغی دوشوب. مای آییندا چینین ایدخالی ۹.۲ میلیون بارل اولموشدو. بو عینی زاماندا ۲۰۱۷-جی ایلین ایون آیی ایله موقاییسه‌ده ده آشاغی گؤستریجیدیر. بیر ایل اؤنجه آسییانین اقتصادی نهنگی گونده‌لیک ۸.۸ میلیون بارل نفت ایدخال ائتمیشدی. چینده تطبیق ائدیله‌ن یئنی وئرگی سیستمی ده سؤزوگدن اؤلکه‌نین ایدخالینا تأثیر گؤسترمکده‌دیر».

اکسپرت وورغولاییب کی، نفتین قیمتینه تأثیر ائد‌ن ایکینجی عامل ایسه آمریکادا نفت حاصیلاتینین آرتماسیدیر.

«ایون آییندا آمریکا گونده‌لیک ۱۰.۸ میلیون بارل نفت حاصیل ائدیب کی، بو دا ۲۰۰۵-جی ایلده‌ن سونرا ان یوکسک گؤستریجی حساب اولونور. ایولون ایلک هفته‌سینده آمریکادا گونده‌لیک نفت ایدخالی ۱.۶۷ میلیون بارل آزالیب و عینی زاماندا ایخراج ۳ میلیون بارللیک رکوردا چاتیب. اوچونجوسو، یاخین شرق اؤلکه‌لرینده حاصیلاتین یئنی‌دن آرتیمی موشاهی‌ده ائدیلیر و بو دا بازارا تأثیر گؤسترمکده‌دیر. سعودییه عربیستانی حاصیلاتدا رکوردو تزه‌لمکده‌دیر».

اکسپرت قید ائدیب کی، اؤتن هفته آغ ائو ایران مسئله‌سینده داها یومشاق مؤقع نوماییش ائتدیردی:

«بئله کی، اوولکی آچیقلامالاریندا بو ایلین نویابرینادک ایران ایله نفت تیجارتینی دایاندیرمایاجاق بوتون اؤلکه‌لره سانکسییا تطبیق ائدجیینی بیان ائد‌ن رسمی واشینگتن بو مسئله‌ده استثنالارین اولاجاغینی بیلدیردی. یعنی ایران ایله نفت تیجارتی ائد‌جک هئچ ده بوتون اؤلکه‌لره سانکسییالار تطبیق اولونمایاجاق. بو ایسه نفت بازارینداکی سیاسی گرگینلیگی معین قدر یومشالتدی. بو آرادا روسییا ایرانین انرژی سکتورونا یاخین ایللرده ۵۰ میلیارد دوللارا یاخین سرمایه یؤنلتمک ایستدیینی بیان ائدیب. ترامپ ایسه یئنی‌دن بؤیوک حرفلرله «نفتین قیمتی آشاغی سالینمالیدیر» تویتینی آتیب».

ووقار بایراموو سؤزلرینه گؤره، نفتین قیمتی موقاییسه‌لی شکیلده حاضردا یوکسک اولسا دا، ایستابیل دئییل:

«اصلین‌ده سیاسی موداخیله‌لر اولمازسا، بازار تارازلیغی هر بارل اوچون ۶۰ دوللار اطرافیندا برقرار اولمالیدیر. بونا گؤره ده اقتصادیاتین دیورسیفیکاسییاسی و نفتدن آسیلیلیغین آرادان قالدیریلماسی اقتصادی سیاستین اساس پریوریتتی اولاراق قالمالیدیر».