آذربایجانین والیوتا بازارین‌داکی وضعیته - ماناتین مزه‌ننه‌سینه تأثیر ائد‌ن باشلیجا فوندامنتال عامل تدییه بالانسینین دورومودور.

آخار. آذ خبر وئریر کی، بو سؤزلری آذربایجان مرکزی بانکینین سؤزچوسو نامیق علیئو تورکییه و روسییانین میللی والیوتالارینین دیردن دوشمه‌سی، بعضی یئرلی بانکلارین آمریکا دلارینین ساتیش مزه‌ننه‌سینی آرتیرماسی فونون‌دا ماناتین مزه‌ننه‌سینین گله‌جک پرسپئکتیوی ایله باغلی رئپورت-ا آچیقلاماسین‌دا بیلدیریب.

«فایز دهلیزینین پارامترلرینه دایر آوقوستون ۱-ده آچیقلادیغیمیز معلومات‌دا دا قئید اولونوب کی، اؤلکه‌نین تدییه بالان‌سینین گؤستریجیلرینین یاخشیلاشماسی جاری ایلده ده داوام ائتمک‌ده‌دیر. تیجارت بالان‌سین‌داکی ایریهجم‌لی مثبت سالدو حسابینا جاری عملیاتلار بالان‌سی پروفیسیتلیدیر. اؤلکه‌نین غیری-نفت سکتورو اوزره ایخراج پوتنسیالینین آرتماسی و دونیا بازاریندا نفتین باهالاشماسی جاری ایلده ایخراجین سرعتله گئنیشله‌نمه‌سینه شرایط یارادیب. تیجارت بالانسیندان علاوه خیدمتلر بالانسین‌دا دا مثبت پروسئسلر داوام ائدیر. توریزم خیدمتلری اوزره مثبت سالدو قورونور. بوندان باشقا، اؤلکه‌یه داخیل اولان پول باراتلارینین حجمین‌ده آرتیم موشاهی‌ده ائدیلیر. خاریجی والیوتا داخیل اولمالارینین آرتماسی شرایطین‌ده اؤلکه‌نین هم ناغد، هم ده غیری-ناغد والیوتا بازاریندا وضعیت تارازلیدیر. بازاردا آپاریلمیش موشاهی‌ده‌لره گؤره، بانکلار خاریجی والیوتانین آلیش-ساتیش مزه‌ننه‌لرینی رسمی مزه‌ننه‌یه یاخین سوییه‌ده معین ائدیرلر. آذربایجان ماناتینین آمریکا دوللارینا قارشی مزه‌ننه‌سی مؤوجود الوئریشلی ماکرو-اقتصادی موحیط‌ده ثابت وضعیت‌ده‌دیر»، - دئیه او، قید ائدیب.

«روسییا و تورکییه‌نین میللی والیوتالارینین اوجوزلاشماسینا گلدیک‌ده ایسه، قئید ائتمک ایستییرم کی، آذربایجان مرکزی بانک طرفداش اؤلکه‌لرین والیوتا بازارلارینداکی وضعیتی دایما ایزلییر. عمومیلیک‌ده طرفداش اؤلکه‌لر اوزره ماناتین چوخطرفلی مزه‌ننه‌سینین دینامیکاسی دا گؤستریر کی، ایلین اؤتن دؤورونده آذربایجانین میللی والیوتاسینین غیری-نفت سئکتورو اوزره عمومی تیجارت چکی‌لی رئال افکتیو مزه‌ننه‌سی و نومینال ائففئفکتیو مزه‌ننه‌سی محکملنیب. بوتون بونلار گؤستریر کی، بعضی بانکلار دوللارین ساتیش مزه‌ننه‌سینی جزعی آرتیریبسا، بو، یالنیز پسیخولوژی عاملله ایضاح اولونا بیلر»، - دئیه آذربایجان مرکزی بانک رسمیسی فیکرینی تاماملاییب.