یاپونییا حکومتی بو ایلین اوکتیابر آیین‌دان ایران‌دان نفت ایدخالینی دایاندیرا بیلر.

آخار. آذ خبر وئریر کی، بو باره‌ده یاپونییانین «ده ژاپن تایمز» قزئتی معلومات یاییب. یاپونییانین ایراندان نفت ایدخالینین دایاندیریلماسی قرارینا سبب آمریکا پرزیدنتی دونالد ترامپ حکومتینین ایرانا قارشی تطبیق ائتدیی سانکسییالاردیر:

«ایران نفتینین دیگر اؤلکه‌لرین نفتین‌دن اوجوز اولماسینی نظره آلاراق، اونا باشقا آلتئرناتیولر آختاریب تاپماق، بیر آز باها باشا گله‌جک. لاکین بونا باخمایاراق، یاپونییا شیرکتلری اؤلکه‌نین انرژییه اولان احتیاجینی تعمین ائتمک اوچون باشقا آلتئرناتیولر آختاریب تاپمالیدیرلار».

یاپونییا ایران‌دان نفت ایدخالینی دایاندیراجاغی حال‌دا بو اؤلکه‌نین «ژختژ»، «فوژی اویل» و «شووا سل سیکیو» شیرکتلری نفته اولان احتیاجلارینی سعودییه عربیستانین‌دان و دیگر اؤلکه‌لردن تعمین ائتمک مجبوریتینده قالاجاقلار.

خاطیرلاداق کی، آوقوستون ۶-دا آمریکا پرزیدنتی دونالد ترامپین ایمضالادیغی سره‌نجاما اساساً، آمریکانین ایرانا قارشی سانکسییالارینین ۱-جی مرحله‌سینین ایجراسینا باشلانیلیب. واشینگتنون ایرانا قارشی سانکسییالارینین ۲-جی و ان موهوم مرحله‌سینه، یعنی ایران نفتینه سانکسییانین تطبیقینه ایسه نویابرین ۴-دن باشلانیلاجاق.