دوللاردان گلوبال تیجارت‌ده ایستیفاده زامانلا آزالا، اونون اؤلکه‌لرین رزرولرینده‌کی حجمی ایختیصار ائدیله بیلر، اما بونون اوچون آلتئرناتیو والیوتالار اؤز جلب ائدیجیلیینی آرتیرمالیدیرلار.

آخار. آذ خبر وئریر کی، بو ادعا ایله «مودیس» بین الخالق رئیتینق آگئنتلیینین اکسپرتلری جورجینا سمارت و کولین ائللیس چیخیش ائدیبلر. اونلارین فیکرینجه، رگیونال تیجارتین آکتیولشمه‌سی و یوان کیمی یئنی والیوتالارین الده ائدیلمه‌سی اؤلکه‌لره جغرافی باخیمدان اوزاق دؤولتلرین والیوتالارینی رزرو کیمی ایستیفاده ائتمه‌مه‌لرینه داها چوخ ایمکان یاراداجاق:

«نتیجه‌ده دوللاردان قلوبال تیجارت‌ده ایستیفاده آزالاجاق، دونیانین رزرو والیوتا سیستمینین ایستروکتوروندا جدی دییشیکلیکلر اولاجاق. لاکین حاضردا دلار بین الخالق تیجارت‌ده قیمت اوستونلویونه و راحاتلیغا صاحبدیر. اونون قلوبال رزرولرده‌کی پایی ایسه آلترناتیو والیوتالار اوچون ال چاتمازدیر. مرکزی بانکلارین مؤوجود رئاللیغی دییشمه‌سی اوچون اون ایل‌لیکلر کئچمه‌سی لازیمدیر».

اکسپئرتلرین ادعاسینا گؤره، یاخین پرسپئکتیوده دلار هله ده دونیادا حؤکمرانلیغینی قورویوب ساخلایاجاق:

«دلار دفاکتو ۶۰ ایلدیر کی، دونیانین رزرو والیوتاسی ساییلیر. دوللار گله‌جکده ده بو ایستاتوسونو قورویوب ساخلایاجاق. حاضردا دونیا والیوتا رزرولرینین ۶۳%-ی محض دوللارین پایینا دوشور. اوندان سونراکی یئرده ایسه ۲۰%-لیک گؤستریجی ایله آورو دایانیر. دیگر والیوتالاردان هئچ بیری ۵%-لیک گؤستریجینی کئچمیر و اونلارین یاخین زامانلاردا اوستونلویو اله آلماق پوتئنسیالی دا یوخدور».

آنالیتیکلر دونیا اقتصادیاتینداکی دورغونلوغا، فرقلی دؤولتلرده دفولتا، چینین قلوبال تیجارت رولونو آرتیرماسینا و آورونون پئیدا اولماسینا رغما، دلارین هله ده اؤز ایستابیللیینی ساخلادیغینی سؤیله‌ییبلر.