آستانادا سفرده اولان آذربایجانین انرگئتیکا ناظری پرویز شاهبازوو و قازاخیستانین اینوئستیسییالار و اینکیشاف ناظری ژنیس کاسیمبک آراسیندا گؤروش کئچیریلیب.

آخار .آذ خبر وئریر کی، گؤروشده اؤلکه‌لریمیز آراسیندا تیجارت، اینوستیسییا قویولوشو، ایخراج و دیگر ساحه‌لرده امکداشلیق مسئله‌لری موذاکیره اولونوب.

قئید ائدیلیب کی، ۲۰۱۸-جی ایلین ۸ آییندا ایکی اؤلکه آراسیندا تیجارت دؤورییه‌سی ۲ دفعه آرتاراق ۱۶۸ میلیون دوللار اولوب. ۲۰۱۷-جی ایلین عینی دؤورو ایله موقاییسه‌ده بو رقم ۸۱،۵ میلیون دوللار اولوب.

پرویز شاهبازوو حؤکومتلراراسی کومیسسییانین ایجلاسلارینین کئچیریلمه‌سینین، موختلیف ساحه‌لرده طرفداشلار آراسیندا علاقه‌لرین قورولماسینین و ایکی اؤلکه‌نین ایشگوزار دایره‌لرینین گؤروشلرینی تشکیل ائتمکله علاقه‌لرین درینلشمه‌سینین واجیبلیینی وورغولاییب.

قئید ائدک کی، اوکتیابرین ۳۱-ده آستانادا آذربایجان-قازاخیستان تیجارت-اقتصادی امکداشلیق اوزره بیرگه حؤکومتلراراسی کومیس‌سییانین ۱۵-جی ایجلاسی کئچیریله‌جک.