آخار. آذ خبر وئریر کی، آذربایجان دؤولت نفت شیرکتی (سوکار) بیلدیریب کی، گاز آلیشینین آمریکاین ایرانا تطبیق ائتدیی سانکسییالارلا علاقه‌سی یوخدور.
بازار ارته‌سین‌دن قوه‌یه مینن سانکسییالارا ایران اقتصادیاتینین اساسینی تشکیل ائد‌ن نفت ایخراجی، اؤلکه‌نین بانکلاری و بیر چوخ شیرکتی معروض قالیر.
سوکار-این ایجتیمایتله علاقه‌لر و تدبیرلرین تشکیلی ایداره‌سینین رئیس معاوینی ایبراهیم احمدوو سببی آذربایجانین گاز حاصیلاتینین "آرتماسی" ایله ایضاح ائدیب.
او بیلدیریب کی، اوللر تورکمنیستان‌دان گلن و ایران واسطه‌سیله اؤلکه‌یه داخیل اولان بو گازی هم اؤلکه‌نین جنوب بؤلگه‌لرینین گازلا تأمیناتی، هم ده کومرسییا مقصدی اوچون ایستیفاده ائدیردیلر.
سوکار رسمیسی گاز آلیشینین هانسی گوندن دایاندیریلماسی باره‌ده معلومات وئرمه‌ییب.
ایبراهیم احمدوو قید ائدیر کی، آلینان گاز آنبارلارا ییغیلدیغیندان احتیاط وار: "عادتا، گاز قیش آیلاریندا لازیم اولور. بیز ده یایدا آلدیغیمیز گازی آنبارلارا ییغیریق، قیشدا ساتیریق، احتیاجلارا یؤنلدیریک. داها گلن یای خاریجدن گاز آلمایاجاغیق".
اؤلکه‌نین جنوب بؤلگه‌سینین گاز تأمیناتینین اولکی ایدخال حسابینا حیاتا کئچیریلدیینی دئین ایبراهیم احمدوو بیلدیریب کی، حاضردا آنبارلاردا اوچ میلیارد کوبمتر گاز تداروک اولونوب، "بو ایسه اوولکی ایللرله موقاییسه‌ده چوخدور".