۲۰۱۹-جو ایلده دونیا بازارینا علاوه ۲ میلیون بارل نئفت چیخاریلاجاغی پروقنوزلاشدیریلیر.

آخار. آذ خبر وئریر کی، بو سؤزلری نفت آراشدیرمالار مرکزینین رهبری ایلهام شابان دئییب.

«اوکتیابرین اولین‌ده نفتین ۹۰-۱۰۰ دلاری اؤتجیی گؤزلنیلیردی. همین دؤنمده نفتین قیمتی ۸۵ دلار ایدی. آنجاق دونن یئرلی واختلا ۲۰:۳۵-ده «برنت» مارکالی نفت لوندون بیرژاسیندا بو ایلین ان آشاغی قیمتینه - ۶۴.۸۷ دلارا ساتیلدی. طبیعی کی، بو دا سببسیز دئییل. اوپئک بازارا رئاللیق‌دا داها چوخ نفت چیخاریلدیغینی، ایران و ونزوئلانین آزالان نفتینین طلب-تکلیف قارشیلیغیندا ایندیکی قیمتلری تنظیمله‌مک اقتداریندا اولمادیغینی آچیقلادی. محض بون‌دان سونرا نفت قیمتلری اوجوزلاشماغا باشلادی. ۲۰۱۹-جو ایلده ایسه دونیا بازارینا علاوه ۲ میلیون بارل نفت چیخاریلماسی پروقنوزلاشدیریلیر کی، بو دا قیمتلره تاثیرسیز اؤتوشمه‌یه‌جک. اونا گؤره ده بازار نفتین یئنی‌دن ۵۵-۶۰ دلار دهلیزینه قاییتماسینا حاضیرلاشیر. بو، اوپئک-این ۲ ایل اول آرزوسوندا اولدوغو «عدالتلی دهلیز»دیر. هر حال‌دا آمریکا دا بونو آرزولاییر»، - اکسپرت بیلدیریب.

قید ائدک کی، دونیا بیرژالاریندا نفتین قیمتی اوجوزلاشماقدا داوام ائدیر.