آخار. آز خبر وئریر کی، گونئی آزربایجانین اردبیل شهرینده سرینلشدیریجی ایچکیلر ایستحصال ائد‌ن «تسنیم نوش» موسسه‌سی فعالیتینی دایاندیریب.

موسسه اؤلکه‌ده حؤکم سوره‌ن اقتصادی تنزول و خام مالین تعمینی ایله علاقدار نویابرین ۲۱-ده باغلانیب.

فابریکین باغلانماسی ایله اونلارلا ایشچی ایش یئرینی ایتیریب.

اردبیل ایالتینین صنایع، معدن و تیجارت تشکیلاتینین رئیسی حامید آملی «گنج ژورنالیستلر کلوب»اونون موخبیری ایله دانیشیقدا ایستحصال موسسه‌سینین باغلانماسینی رسما تصدیقله‌ییب.

«تسنیم نوش» موسسه‌سینین سون آیلاردا ایشچیلرین امک حاقلارینی اؤدمدیی ده بیلدیریلیر. موسسه بوندان اول ایشچیلری مجبوری اولاراق بیر آیلیق معزونیته گؤندرمیشدیر.

«تسنیم نوش» ایستحصال موسسه‌سی ۱۰ ایل اول تاسیس ائدیلیب، بو موسسه میوه سویو، طبیعی و مینرال سولار و س. کیمی سرینلشدیریجی ایچکیلر ایستحصال ائدیردی.