نئفتین قیمتینین دوشمه‌سی بازاردا یارانان شرایطله باغلی‌دیر. حاضردا بازاردا کیفایت قدر نفت بوللوغو و بونا دلالت ائد‌ن ثبوتلار وار.

بو سؤزلری نفت آراشدیرمالار مرکزینین رهبری ایلهام شابان نفتین قیمتینده‌کی کسکین اوجوزلاشمانین سببلری حاقدا آخار. آز-ا دانیشارکن دئییب.

اکسپرت بونون اؤز عکسینی اوپئک-این سون حساباتلاریندا تاپدیغینی دا وورغولاییب:

«بونون نتیجه‌سی‌دیر کی، جاری ایلین دؤردونجو روبعو و ۲۰۱۹-جو ایلین اولی اوچون اوپئک-این پروقنوزلاری بازار ایشتیراکچیلارینین بؤیوک تشویشینه سبب اولوب. چونکی اوپئک حساب ائدیر کی، آرتیق ۲۰۱۹-جو ایلین اولینده بازارا تکلیف اولوناجاق ۱،۲-۲ میلیون بارل نئفت ایستهلاک ائدیله بیله‌جک حجم‌دن چوخ اولاجاق. بازاردا نفت اولدوقجا چوخدور».

اکسپرت دکابرین اولین‌ده ویانادا کئچیریله‌جک اوپئک کنفرانسین‌دا حاصیلاتین آزالدیلماسی موذاکیره‌سینین نفت بازارینین ایشتیراکچیلاری اوچون پوزیتیو سیگنال اولا بیلجیینی ده قئید ائدیب.

قید ائدک کی، دونیا بیرژالارین‌دا نفت کسکین اوجوزلاشماقدادیر. حاضردا "برنت" مارکالی نفتین قیمتی ۵۸،۷۵ دلار/بارله دوشوب. بو، سون سککیز آی عرضین‌ده موشاهیده ائدیلن ان بؤیوک اوجوزلاشمادیر.