نفت ایخراج ائد‌ن اؤلکه‌لر بیرلیگی (اوپئک) آیلیق آیلیق یاییملادیغی حسابات‌دا ایرانین نفت حاصیلاتینین نویابر آیی عرضینده گونلوک ۳۸۰ مین بارل آزالدیغینی باره‌ده معلومات وئریب.

Axar.az خبر وئریر کی، اوپئک-این رسمی وب سایتین‌دا یاییم‌لانان حسابات‌دا بونون عکسینه اولاراق سعودییه عربیستانین نفت حاصیلاتینین گونلوک ۳۳۷ مین، بیرلشمیش عرب امیرلیکلرینین ایسه گونلوک ۷۱ مین بارل آرتدیغی قید ائدیلیر.

ایرانین نفت حاصیلاتینین آزالماسی آمریکانین رسمی تهرانا قارشی قبول ائتدیی سانکسییالارلا علاقلندیریلیر. نویابر آیینین اوللرینده آمریکانین ایرانین بانک سیستمی و نفت-گاز سکتورونا قارشی تطبیق ائتدیی سانکسییالار نتیجه‌سینده بو اؤلکه‌نین نفت حاصیلاتین‌دا و ایخراجیندا جدی آزالما موشاهیده اولونور.

قید ائدک کی، سانکسییالار قبول ائدیلدیکدن سونرا بیر چوخ اؤلکه‌لر ایران‌دان نفت و گاز ایدخالینی دایاندیریب. بعضی اؤلکه‌لره ایسه قیسا مدتلیک ایران‌دان نفت آلیشینا ایجازه وئریلیر. لاکین بو مدت بیتندن سونرا ایرانین نفت و گاز حاصیلاتینین کسکین آزالاجاغی پروقنوزلاشدیریلیر.