بو ایل طبیعی فلاکتلر ایرانین غربی آذربایجان ویلایتینین اینفراستروکتور و کند تصروفاتینا ۹،۵ تریلیون ریال (تخمیناً ۲۲۶ میلیون دوللار) زیان ووروب.

Axar.az خبر وئریر کی، بونو ایرانین غربی آذربایجان ویلایتی فؤوق العاده حاللارین ایداره اولونماسی ایداره‌سینین باش دیرکتورو امیر عباس جعفری دئییب.

اونون سؤزلرینه گؤره، زیانین ۹۵۰ میلیارد ریالی (تخمیناً ۲۲،۶ میلیون دوللار) کند تصروفاتی، قالانی ایسه اینفراستروکتورلار، او جمله‌دن یوللار و کند ائولرینه عاییددیر.

جعفری علاوه ائدیب کی، ایران‌دا هر دؤرد ایلده بیر دفعه ۵ بالدان یوخاری، هر ۱۰ ایلده بیر دفعه ۶ و ۶،۵ بال‌دان یوخاری زلزله باش وئریر. بونا گؤره، کند ائولرینین محکملندیریلمه‌سی دقت مرکزینده دورمالیدیر:

"جاری ایلده فؤوق العاده حاللار قارشی‌سین‌دا سیغورتالانان کند ائولرینین سایی ۱۳۰ مین ائو اولوب. عمومی‌لیک‌ده غربی آذربایجان ویلایتین‌ده فؤوق العاده حاللار قارشی‌سین‌دا ۲۵۰ مین ائوده‌ن تخمیناً ۶۸ مینی سیغورتالانیب".