ایرانین انرژی بیرژاسین‌دا نفت موشتریلری نفتین پولونو ۱۰۰% ریال شکلین‌ده اؤد‌یه بیلرلر.

Axar.az خبر وئریر کی، بو سؤزلری ایران پارلامنتینین اقتصادیات کومیسییاسینین رهبری محمد رضا پور ایبراهیمی دئییب.

اونون سؤزلرینه گؤره، خام نفتین ساتیشی ایله باغلی پولون اؤد‌نمه‌سینین سادلشدیریلمه‌سی اوچون نفت ناظرلیگی بیر تکلیفی عالی اقتصادی کووردیناسییا شوراسینا گتیردی و لازیمی آراشدیرمالاردان سونرا راضیلیق الده اولون‌دو کی، انرژی بیرژاسین‌دا خام نفتین پولونون ۱۰۰% ریاللا اؤدنیلمه‌سی اوچون شرایط نظرده توتولسون و بئله‌لیکله موشتریلر اوچون یئنی ایمکان یارادیلسین.

ایران پارلامنتینین رسمی‌سی علاوه ائدیب: "ایرانلا اقتصادی دؤورییه‌سی اولان خاریجی اؤلکه‌لرین سفیرلرینین بیر نئچه‌سی اؤتن بیر آی عرضین‌ده انرژی بیرژاسیندا ایرانین میللی نفت شیرکتینین ایجراچی دیرکتورو و عضولری ایله بیر نئچه ایجلاس کئچیریب و بیرژا واسطه‌سی ایله نفتین ساتین آلینماسی حاقدا راضیلاشمالار الده اولونوب".

پور ایبراهیمی دئییب کی، موشتریلرین وسایتین اؤد‌نمه‌سی ایله باغلی پروبلملری اولوب و تکلیف ائدیردیلر کی، پول نقلین‌ده محدودیتلره گؤره، وسایت باشقا متودلارلا اؤد‌نسین. خوشبختلیکدن عالی اقتصاد کووردیناسییا شوراسینین تصدیقی ایله نفتین پولونون تام شکیل‌ده ریاللا اؤد‌نمه‌سی قبول ائدیلدی.

"خام نفتین انرژی بیرژاسین‌دا ساتیشا چیخاریلماسی یئنی بیر تجروبه‌دیر. زامانین کئچمه‌سی ایله بو ساتیش متودونون دؤورییه‌یه داخیل اولماسینی ایستییریک. اومید ائدیره‌م کی، نؤوبتی ساتیشلار دا تئزلیکله حیاتا کئچیریله‌جک" - دئیه او بیلدیریب