ایرانین جنوبی خوراسان ویلایتینین ماهیرود سرحدین‌دن سمنت، کاشی و سرامیکا، دمیر ماتریاللار و یاناجاغین افغانیستانین فراه ویلایتینه ایخراجی دایاندیریلیب.

Axar.az خبر کی، بو سؤزلری ایرانین جنوبی خراسان ویلایتی ماهی رود گؤمروک ایداره‌سینین رئیسی علی اکبر کیانی دئییب.

اونون سؤزلرینه گؤره، افغانیستان‌دا مالییه ایلینین سونودور. قید اولونان دؤرد محصولون ایلین سونونا قدر لیسنزییاسی واردیر. بونا گؤره ده، معلومات وئریلندک افغانیستانا بو محصوللارین ایخراجی قاداغان ائدیلیب.

کیانی علاوه ائدیب: افغانیستان فراه گمروکلری ایداره‌سینین رئیسی وعد ائدیب کی، بیر هفته عرضین‌ده پروبلم آرادان قالدیریلاجاق و ایخراج یئنی‌دن حیاتا کئچیریله‌جک.

"حال-حاضردا ماهی رود سرحدین‌ده ۳۰ عدد یاناجاق تانکری ساخلانیلیب" - دئیه او بیلدیریب.

قید ائدک کی، ایران و افغانیستان سرحدینین اوزونلوغو ۹۴۵ کیلومتردیر. اونون ۴۶۵ کیلومتری جنوبی خراسان ویلایتینین اراضی‌سین‌ده‌دیر. ویلایت‌ده ۴ سرحد بازاری فعالیت گؤستریر.