مارکتینق ایرانلا آذربایجانین بیرگه ایستحصال ائتدیی آوتومبیللارین ایخراج ائدیلمه‌سی اوچون موهوم عامل و شرط‌دیر.

Axar.az-این معلوماتینا گؤره، بونو ایرانین صنایع، معده‌ن و تیجارت ناظرینین معاوینی محسن صالح نیا دئییب.

ایران ناظرینین معاوینی محسئن صالح نیا «ایران خودرو» و «آذرماش» شیرکتلرینین محصوللارینین ایخراجی مسئله‌سینه توخوناراق دئییب:

«حال حاضردا ایران و آذربایجانین ایستحصال ائتدیی آوتومبیللرین ایخراجی بوندان آسیلدییر کی، اوچونجو اؤلکه‌ده مارکتینق ایشلری نئجه آپاریلاجاق. ایخراج مسئله‌سی بیرگه سعیلره و هدف‌ده اولان اؤلکه‌ده مارکتینق مسئله‌لرینه باغلیدیر.»

صالح نیا داها سونرا قید ائدیب کی، «ایران خودرو»نون آذربایجان طرفی ایله بیرگه آوتومبیل ایستحصال ائتمه‌سین‌دن اساس مقصدی، ایرانین علمی-تکنیکی بیلیی و آذربایجانین ایشتیراکی ایله آوتومبیل عرصه‌یه گتیرمکدیر کی من بونو بینیلمیش و یاخشی آددیم حساب ائدیره‌م. بونون اوخشارینی بیز عراق‌دا و دیگر اؤلکه‌لرده ده ائتمیشیک. دیگر اؤلکه‌لرده آوتومبیل ایستحصالی خطینین یارادیلماسی، ایخراج هدفلرینی حیاتا کئچیرمکدن علاوه ایستحصال‌چی طرفه بو مزیتلری وئریر کی، قارشی‌داکی اؤلکه‌لرین سرمایه‌سینی بیرگه لاییحه‌لره جلب ائتسین.»

قئید ائدک کی، آذربایجان رئسپوبلیکاسینین اقتصادیات ناظری اؤت‌ن ایلین اوکتیابر آیین‌دا بیلدیریب کی، «ایران-آذربایجان آوتوموبیل زاوودو مسهوللارینین روسییا و گورجوستانا ایخراجی اوچون دانیشیقلار داوام ائدیر. حال-حاضردا ایخراجیمیز اوچون روسییا و گورجوستان بازارلارینین وضعیتی آراشدیریلیر. آذربایجان‌داکی زاوودون تسی‌سین‌دن مقصدیمیز اؤلکه‌نین داخی‌لی طلبینی تعمین ائتمک و اونون بیر حیسه‌سینی ایسه ایخراج ائتمک‌دن عبارت‌دیر.»

«ایران خودرو» ایله "آذرماش»این بیرگه زاوودون تاسیسی ایله باغلی آنلاشماسی ۲۰۱۶-جی ایلین آوقوست آیین‌دا ایمضالانیب. بو لاییحه‌نین حیاتا کئچیریلمه‌سینین خرجی ۲۴ میلیون مانات، ماکسیموم ایستحصال گوجو ایسه ایله ۱۰ مین آوتومبیل اعلان ائدیلیب. زاوودون رسمی آچیلیشی اؤتن ایل ایران پرزیدنتی حسن روحانینین آذربایجانا سفرینده باش توتوب.