آذربایجان و ایرانین مشترک آوتوموبیل زاوودو اولان "آزرماش-ایکو" فورال آیینین اورتالارین‌دان نفتچالا صنایع پارکین‌دا "پژو" آوتومبیلینین ایستحصالینا باشلایاجاق.

axar.az خبر وئریر کی، بو باره‌ده "آزرماش"این صدری امین آخوندوو آچیقلاما وئریب.

"خزر-پژو" آدلی یئنی آوتومبیللر آوتماتیک اؤتوروجولر قوتوسو ایله تجهیز اولوناجاق. "آزرماش-ایکو" شیرکتینین ایستحصال حجمی ایله ۱۰ مین آوتومبیل اولاجاق. بیرینجی مرحله‌ده (۲۰۱۹-جو ایلین سونونا) آلتی مین آوتومبیل ایستحصال اولاجاق. موسسه‌نین ایله ایکی مین آوتومبیل ایخراج ائدجیی گؤزلنیلیر. موسسه ۳۰۰ نفری ایشله تعمین ائد‌جک.

ایلکین مرحله‌ده "خزر" مودلیندن اولان "خزر اس دی" و "خزر ال دی" آوتومبیللری بوراخیلاجاق. آخوندوون بیلدیردیینه گؤره، "خزر اس دی"نین باشلانغیج قیمتی ۱۶ مین مانات، "خزر ال دی" ایسه ۱۸ مین مانات اولاجاق.

"ایران خودرو" و اونون تؤره‌مه شیرکتی اولان "آزرماسه-آز یوروکار" ۶ آوقوست ۲۰۱۶-جی ایلده نفتچالا صنایع پارکین‌دا مشترک آوتومبیل زاوودونون یارادیلماسی حاقین‌دا موقاویله باغلاییب. لاییحه‌نین عمومی دیری ۱۴،۰۸ میلیون دلار قیمتلندیریلیر. آذربایجانین اینوستیسییا پایی ۷۵%، ایرانین اینوستیسییا پایی ۲۵% تشکیل ائدیر.