آمریکا ایله ونزوئلا آراسین‌داکی گرگینلیک «قارا قیزیل»این قیمتینین یوخاری ایستیقامت‌لی دییشمه‌سینه تأثیر گؤستریر.

Axar.az خبر وئریر کی، نفت بازاری ایشتیراکچیلاری بو گرگینلیین تداروک‌ده لنگیمه‌یه گتیریب چیخاراجاغین‌دان ناراحاتدیر. نفتین قیمتی ایسه بو ناراحاتلیقلار فونون‌دا باهالاشیر. بئله کی، «برئنت» و وتی نفتینین قیمتی سون گونلرده آرتیر. حاضردا «برنت»این بیر بارلی ۶۱،۶ دلاردان، وی تی ایسه بیر بارلی ۵۳،۶ دلاردان باها ساتیلیر.

اکسپئرتلره گؤره، آمریکانین ونزوئلایا مومکون نفت سانکسییالاری بیرلشمیش ایشتاتلارداکی نفتاییرما زاوودلاری اوچون خام نفتین منبعینی کسه‌جک. بونون دا آمریکایا تأثیرلری داها چوخ حس اولاجاق.

آمریکانین انررژی اینفورماسییا آدمینیستراسییاسینین (ائیا) معلوماتینا گؤره، ونزوئلادا نفت ایستحصالینین کسکین آزالماسینا باخمایاراق، اؤتن ایلین اوکتیابریندا بو اؤلکه‌دن بیرلشمیش ایشتاتلارا گونده‌لیک ۵۰۶ مین بارل نفت گؤندریلیب. حاضردا ونزوئلا کانادا، سعودییه عربیستانی و مکزیکادان سونرا آمریکا ان بؤیوک ۴-جو خام نفت تداروکچوسودور.

سون ایللرده آمریکانین نفت حاصیلاتینین آرتماسینا باخمایاراق، بو، طلباتی تام اؤدمیر. اونا گؤره ده بیرلشمیش ایشتاتلاردا بنزین، رئاکتیو یاناجاق و دیگر نفت محصوللارینین ایستحصالی اوچون ونزوئلادان گلن هم اوجوز، هم ده آغیر خام نفته احتیاج یارانیر.